Mme Saam 70

Ake etubom ikwọ. Ake Defid. Ebeeñe.

Abasi Ado Utịbe

1Sọsọp di ñnyaaña miin, O Abasi;

di usọp-usọp, Abọọñ, di ñnyaaña miin.

2Yak mbon se iyem adidat uwem mmi

ekịt abuud ye ndutịme;

yak afịd mbon se iyem nsobo mmi

etịmme edem enyọñọ ke asuenne.

3Yak mbon se insak miin, “Aha! Aha!”

etịmme edem ke ntak abuud ammọ.

4Ado yak afịd awo se uyem fiin

edaara enyʌñ enem esịd ke afo;

yak mbon se inie udọñ unwam adinyaaña mfo ebo afịd ini,

“Abọọñ Abasi akpon!”

5Ado amaado ami, ami ndo uweene ye awo unana;

mbọk sọsọp di mbịne miin, O Abasi.

Afo ado unwam mmi ye adinyaaña ami,

Abọọñ, mbọk kuukpeene.