Mme Saam 47

Ake etubom mbon ikwọ. Ake nditọ ideen Kora. Saam.

Abasi Akara Mme Idịd

1Imia ubọk ndufo, afịd ndufo mme idịd;

isio ñkpo idaara inọ Abasi.

2Sia Abọọñ Andikoñ Ñkan anie uteeñe,

anye ado akwa Adidem ke afịd ederimbod.

3Anye asuuhọ mme idịd asịn ke idak ñnyịn,

anam mme awo eba ke idak ñkpad ñnyịn.

4Anye amaamek udeeme ñnyịn inọ ñnyịn,

uku Yekọb, a-anye akemaaha.

5Abasi adọọk anyọñ ke ñkpo idaara,

Abọọñ adọọk ke uyom mme adukpoñ.

6Ikwọ itooro inọ Abasi, ikwọ itooro;

ikwọ itooro inọ Adidem ñnyịn, ikwọ itooro.

7Sia Abasi ado Adidem afịd ederimbod;

ikwọ saam itooro inọ anye.

8Abasi akaara ke mme idịd;

Abasi atie ke adisana ebekpo amọ.

9Mme mbọọñ abio esoobo idem

nte mme ubon Abasi Ebraham,

sia Abasi anie mme ndidem isọñ;

Abasi anekke akoñ.