Mme Saam 30:5

Saam. Ikwọ. Ake udiọñ tembịd. Ake Defid.

Akam Ekọọm

1Ami ñyaukpono fiin, Abọọñ,

sia afo amandịppe miin asio ke udem isọñ

uyakka mme asua mmi enem esịd embaña miin.

2Abọọñ Abasi mmi, mmaukoot fiin ñyem unwam,

ndin afo amaanam udọñọ añkweeñe.

3Afo, Abọọñ, amamben miin asio ke abioekpo;

afo amamfak miin asio ke ndobo udi.

4Ikwọ itooro Abọọñ, ndufo ndinen ikọd amọ;

itooro adisana anyịñ amọ.

5Sia iyadesịd amọ ikpeeneke,

ado mfọn amọ ado ke nsi-nsi;

ntuaña akeme iba ke akonayio,

ado idaara adi ke ubakusen.

6Ke ini ami ñkedaaha afọn, mmaabo,

“Ami ndiitəkkoke idem tutu amama.”

7Abọọñ, ke ini afo akennọọhọ miin mfọn,

amaanam abod ubọọñ mmi asọọñọ ada;

ado ke ini akedịppe iso mfo,

idem amambọkkọ miin.

8Ñkukoot fiin, Abọọñ;

ñketua ñkoot Abọọñ ñyem mbọm:

9“Nsoo idiido udod adieke eñkọppọ miin inua,

adieke ami nsọiyọke ndʌk udi?

Nte ntọñ ayautooro fiin?

Nte anye ayaatañ akpanikọ mfo?

10Kop, Abọọñ, nyʌñ ntua miin mbọm;

Abọọñ, do unwam mmi.”

11Afo amekanna ntuaña mmi asịn ke unek;

afo amansio miin afọñikpo ansịn idaara,

12nọ ato do esịd mmi akwọ itooro mfo, ke anyʌñ adop uyio.

Abọọñ Abasi mmi, ñyautooro fiin ke nsi-nsi.