Mme Saam 146

1Itooro Abọọñ.

Ukpọñ mmi, tooro Abọọñ.

2Ami ñyaatooro Abọọñ ke afịd uwem mmi;

Ami ñyaakwọ itooro nnọ Abasi mmi ke naña nte ami mbaaha ke uwem.

3Kuusịn mbuọdidem mfo ke mme mbọọñ,

ke ñkaña awo, ake imiikanna inyaaña awo.

4Sịbidịd ammọ amaawuọ, ammọ etịmme enyọñọ isọñ;

kpasʌk usen ado, uduak ammọ akappa ikpu-ikpu.

5Afọfọn anọ mbon ake unwam ammọ atooho Abasi Yekọb,

ake idodanyen ammọ abaaha ke Abọọñ Abasi ammọ.

6Anye ado Andinam anyọñ ye isọñ,

akpainyañ ye afịd se idọñọ ke esịd,

anye ado anam akpanikọ ke nsi-nsi.

7Anye akpe ikpe anọ mbon etʌkkọ

anyʌñ anọ mbon abiọọñ ndidia.

Abọọñ atat mbon ñkpakọb asuuk,

8Abọọñ anam nnan ekịt usʌñ,

Abọọñ adịppe mbon se ufiik anuuk,

Abọọñ ama ndinen awo.

9Abọọñ akpeme asenawo

anyʌñ akama nditọakpa ye ebekpa,

ado anye abiat usʌñ mbon ibak.

10Abọọñ akara ke nsi-nsi,

Abasi mfo, O Saiyọn ke afịd emana.

Itooro Abọọñ.