Mme Saam 141

Saam ake Defid.

1Abọọñ, ami ukoot fiin, sọp di mbịne miin;

kop ikood ake ami ukoodo fiin.

2Yak akam mmi aba ke iso mfo nte insensi;

yak ubọk ake ami mbenneke mi aba nte uwa ndubiayio.

3Abọọñ, nịm ukpeme nọ inua mmi;

nịm ukpeme ke usʌñ ñkpọkinua mmi.

4Kuuyak esịd mmi asịkke akpere idiọọkñkpọ

mbaak ami ndikeene nnam ibak

ye mbon e-edooho mbon ibak;

kuuyak ami ndia ndiin ammọ.

5Yak adinen awo ammia miin, anye ado awọt ima;

yak anye asua annọ miin, anye ado ado adan ke iwuod mmi.

Iwuod mmi idiisịnne anye,

sia akam mmi adiisʌk ido ubiọọñọ anọ utom ndiọi awo.

6Eyaeda ke mme mben etịñe itiad etop mme adaukara ammọ eduọọk,

ndin mbon ibak eyaediọọñọ ke mmaatañ ikọ mmi yak afọn.

7Ammọ eyaebo, “nte awo akịmme anyʌññọ asiak isọñ,

kpa ntoro ke esuan akpọ ñnyịn ke inua udi.”

8Ado anyen mmi awʌhọ ke afo, Abọọñ Andikara;

ke afo ke ami ndịbe, kuñyaak miin unọọ ñkpa.

9Ñkpeme miin sio ke mme afia a-mme anamidiọọk ekọọhọ,

sio ke mme afia ammọ enịmme ennọọ miin.

10Yak mbon ibak eduọ edʌk iyịre ammọ,

ke ini ami nsañake ifuuro-ifuuro mboiyo.