Mme Saam 14

Ake etubom ikwọ. Saam Defid.

Awo Ndomokeed Ikemeke Adikaaña Edem Ñwọt Abọọñ

1Ndisịme awo abo ke esịd ammọ ate,

“Abasi ibaaha.”

Ammọ edoñño mbon ñwo, enañña abʌd-abʌd ido;

ibaaha awo ndomokeed se inam eti ñkpọ.

2Abọọñ atie ke anyọñ asuuk anyen

ase ubon awo

me ayaakịt awo ndomokeed se inie ifiọk,

ndomokeed a-ayemme Abasi.

3Afịd ammọ e-ewọññọ ekpọñ usʌñ, afịd ammọ e-ekappa mbubịk;

ibaaha awo ndomokeed a-anamma eti ñkpọ,

ibaaha awo ndomokeed.

4Afịd mme anamidiọọk ami isʌkkọ idiọọñọ ñkpọ?

Ammọ eta mbon mmi nte eta uyo;

akenaanam ammọ ikoodo Abọọñ.

5Ado se ammọ do, eba ke akpọsọñ ndịk,

sia Abasi mmọdo ke atu ndinen awo.

6Ndufo mbon mbubịk ebiat uduak mbon uweene,

ado Abọọñ ado itie udịbe ammọ.

7O, ubaha nte adinyaaña Isrel akpetooho Saiyọn adi!

Ke ini Abọọñ amaamaana aben ikọd amọ e-eketañña esio anyọñ adi,

yak Yekọb adaara, Isrel anyʌñ anem esịd!