Biblica® Open Ibibio Contemporary Bible 2025
Mme Saam 136:1
Verse 1 is marked below, with the whole chapter around it. Read from the start
Inọ Abọọñ ekọọm, sia anye afọn.
Ima amọ aba ke nsi-nsi.
Inọ Abasi mme abasi ekọọm.
Ima amọ aba ke nsi-nsi.
Inọ Abọọñ mme mbọọñ ekọọm:
Ima amọ aba ke nsi-nsi.
Anye a-adooho anye ikpọọñ ado andinam ikpọ utịppeñkpọ,
Ima amọ aba ke nsi-nsi.
Anye a-akenamma anyọñ ke ikike amọ,
Ima amọ aba ke nsi-nsi.
Anye a-akedetteke ikpaisọñ adot ke mme mmọọñ,
Ima amọ aba ke nsi-nsi.
Anye a-akenamma mme ikpọ ikañ,
Ima amọ aba ke nsi-nsi.
Utịn adikara uweemeayio
Ima amọ aba ke nsi-nsi.
Afiọñ ye ntantaafiọñ adikara akonayio;
Ima amọ aba ke nsi-nsi.
Anye ake akewotto mme akpan mbon Iyib
Ima amọ aba ke nsi-nsi
anyʌñ asio Isrel akpọñ ammọ
Ima amọ aba ke nsi-nsi.
Ke akpọsọñ ubọk ye nsioñnyan ubọk;
Ima amọ aba ke nsi-nsi.
Anye a-akebakkake Ndad-Ndad Akpainyañ
Ima amọ aba ke nsi-nsi.
Anyʌñ anam Isrel asaña ke ufọọd amọ aboiyo
Ima amọ aba ke nsi-nsi.
Ado akwọọk Fero ye udịm ekọñ amọ asịn ke Ndad-Ndad Inyañ;
Ima amọ aba ke nsi-nsi.
Anye a-akebenne mbon amọ asaña aboiyo ke anaan
Ima amọ aba ke nsi-nsi.
Anye a-akewotto mme ikpọ ndidem,
Ima amọ aba ke nsi-nsi.
Anyʌñ awot ñkpọsọñ ndidem,
Ima amọ aba ke nsi-nsi.
Sihọn adidem mbon Amọọ
Ima amọ aba ke nsi-nsi
ye Ọk adidem mbon Basan
Ima amọ aba ke nsi-nsi.
Anyʌñ anọ isọñ ammọ nte udeeme,
Ima amọ aba ke nsi-nsi.
Udeeme anọ ayịnufọk amọ Isrel.
Ima amọ aba ke nsi-nsi.
Anye amaitoiyo ñnyịn ke usʌhọde itie ñnyịn
Ima amọ aba ke nsi-nsi.
Anyʌñ ifak ñnyịn asio ke ubọk mme asua ñnyịn.
Ima amọ aba ke nsi-nsi.
Anye anọ afịd se ebobot ndidia.
Ima amọ aba ke nsi-nsi.
Inọ Abasi hefịn ekọọm.
Ima amọ aba ke nsi-nsi.
Biblica® Open Ibibio Contemporary Bible 2025. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.