Biblica® Open Ibibio Contemporary Bible 2025
Mme Saam 130
Ikwọ adidọọk
Abọọñ, ami mmetua unọ fiin ke isọñ esịd mmi;
Abọọñ kop uyio mmi.
Kpañ utọñ nnọ miin
ke ini ami ntuaha ñyem mbọm.
Abọọñ, adieke afo akpekenịmme ibad ndiọiñkpọ,
Abọọñ anie awo ikpikan ida?
Ado ye afo ndakkannọ aba,
nọ ñnyịn ikan inam ñkpọ unọ fiin ye uteeñe.
Nda mbet Abọọñ, afịd idem mmi abet,
ñko ke ikọ amọ ke ami nsịn idodanyen mmi.
Ami nda mbet Abọọñ
akan naña mme akpeme abio eda ebet ubakusen,
akan naña mme akpeme abio eda ebet ubakusen.
Isrel, sịn idodanyen ke Abọọñ,
sia ke Abọọñ ke nsọọñọnda ima aba
ñko anye ke ñkpọkñyak aba.
Anye ke idem amọ ayaafak Isrel
asio ke afịd ndiọiñkpọ ammọ.
Biblica® Open Ibibio Contemporary Bible 2025. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.