Mme Saam 120

Ikwọ adidọọk

1Ami ñkoot Abọọñ ke ini nnananyen mmi,

ndin anye ambọọrọ miin.

2Abọọñ ñnyaaña miin,

sio ke ñkpọkinua nsu

ye mme edeme abiaña.

3Nsoo ke anye aduunam fiin,

ñko nsoo ñkpọ mfen,

afo edeme abiaña.

4Anye ayaakama mme idañ awo ekọñ umia fiin ufen,

ye asakikañ ñkañ a-atooho nsadañ.

5Adiọọk annọ miin sia ndʌñ ke Mesek,

sia ndʌñ ke mme atayad Keda!

6Ami mmedʌñ ñkpeene mbọhọ

ke atu mbon esuaha emem.

7Ami nda nnọ emem;

ado ami mmaatañ ikọ, ammọ eyem ekọñ.