Biblica® Open Ibibio Contemporary Bible 2025
Aisaiya 4
Ke usen ado ibaan itiaba
eyaemʌm awodeen keed
enyʌñ ebo, “Ñnyịn iyaidia ndidia idem ñnyịn
inyʌñ isịn idem ñnyịn afọñ;
yak ikap ikekere anyịñ udian fiin. Ben abuud ñnyịn fep!”
Ñkọk Abọọñ
Ke usen ado Ñkọk Abọọñ ayaayaiya anyʌñ anie ubọọñ, ndin mfịd isọñ ayaado uyai ye ubọọñ anọ nsʌhọ Isrel. Mbon se isʌhọ ke Saiyọn, se iba ke Yeruselem, ke ediikoot ndisana, afịd mbon se ebat esịn ke atu mme aduuwem ke Yeruselem. Abọọñ ayaayet ndek ibaan Saiyọn; anye ayaakwokko mme ntọi iyiib asio ke Yeruselem ato ke sịbidịd ikpe ye sịbidịd ikañ. Ndin Abọọñ ayaabot ke afịd Abod Saiyọn ye ke afịd mbon se iboho do eboho nsʌñikañ ke uweemeayio ye akpọsọñ ikañ a-asakka ke akonayio; sia ubọọñ Abasi ayaado ikpoto anọ ukeed ñkpọ. Anye adiido itie idʌñ ye ndeeñ anọ ufiob ke usen, ye itie ubọkkọ ye itie udịbe ke ini ayobio ye edịm.
Biblica® Open Ibibio Contemporary Bible 2025. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.