Hosie 6

Isrel Ikappake Esịd

1“Idi, yak ñnyịn itịmme ibịne Abọọñ.

Anye i-ikpok ñnyịn mbai-mbai,

ado anye ayaikọk ñnyịn;

anye i-inọ ñnyịn unan,

ado anye ayaanyʌñ abọp mme unan ñnyịn.

2Usen iba amaaboiyo anye ayaidemme ñnyịn;

anye ayaamaana inọ ñnyịn itie ke ayọhọ usen ita,

nọ ñnyịn iba ke iso amọ.

3Yak ñnyịn idiọọñọ Abọọñ;

yak ñnyịn isịn ifịk idiọọñọ anye.

Adaña nte anaaha utịn asakka,

anye ayaabiọññọ;

anye ayaadi ibịne ñnyịn nte edịm ini winta,

nte edịm ke akemini a-aduọkkọke anọ isọñ mmọọñ.”

4“Nsoo ke ami ñkpenam ye afo, Ifrem?

Nsoo ke ami ñkpenam ye afo, Yuda?

Ima mfo aba nte ntuhube ubakusen,

nte mbara usiere i-imiikpeeneke anye asop.

5Ke ntoro ami mmaukpịkke fiin mbai-mbai ye mme prọfed mmi,

ami mmauwot fiin ye ikọ inua mmi;

ndin mme ubiideikpe mmi esaña nte ayio.

6Sia ami ñyem mbọm, idooho uwa,

ye adidiọọñọ Abasi, idooho ufọfọb uwa.

7Aketo ke Adam, ammọ ebiat edioomo;

ammọ ikinamma akpanikọ ye ami ke ndo.

8Kilied ado abio mme anam ndiọi,

ikpadisañ ammọ ayọhọ ye iyiib.

9Nte mme inọ e-eyooño eyem mbon se ammọ emʌm,

kpa ntoro ke mme aku enam;

ammọ ewot awo ke usʌñ Sekem,

enam ndiọi akikere ibak ammọ.

10Ami mmekịt aniendịk ñkpọ ke Isrel:

Do ke Ifrem ayịre ke usaña akpara,

emaesappa Isrel.

11“Anyem unie fiin, Yuda,

u-umek enịm enọ ini idọk.

“Ini akeedodo a-ami ndiimaana ñyaak mfọnọñkpọ mbon mmi nnọ ikọd mmi,