Biblica® Open Ibibio Contemporary Bible 2025
Hosie 3
Hosie Anam Emem ye Anwaan Amọ
Abọọñ amambo miin, “Kaa, maana kewọt anwaan mfo ima, akpesʌkado awodeen mfen amaaha anye, ndin anye ñko anyʌñ ado asịn efịbe. Ma anye naña Abasi ama mbon Isrel, akpesʌkado a-ammọ ekannake iso ekeene mme abasi mfen enyʌñ ema adita ndisana nsaad ndomuyo.”
Ndin ami mmaadep anye ke sekel silfa duob mme ition1 ye homa baali keed2, ye ubaak homa baali. Akem ami mmaadọkkọ anye, “Ana afo adʌñ ye ami ke uwak usen; inaaha afo ado akpara, inyʌññọ ina anie ewuana ye awodeen ndomokeed, ami ñko ñyaanyʌñ nnam ntoro ye afo.”
Sia nditọ Isrel eyaedʌñ uwak usen ado inieghe adidem me akpanabọọñ, inamma uwa inyʌññọ inie ndisana itiad, inyʌññọ inie afọñ aboditọñ me mme abasi ufọk. Ke ado amaaboiyo mbon Isrel eyaetịmme ebịne enyʌñ eyem Abọọñ Abasi ammọ ye ake Defid adidem ammọ. Ammọ eyaebịne Abọọñ ye ñnyeñidem, enyʌñ ebọ adidiọñ amọ ke mme akpatre usen.
Source notes (2)
- Footnote A-adooho ñkpọ nte kram 170
- Footnote Homa akenie udob ñkpọ nte kilokram 195.
Biblica® Open Ibibio Contemporary Bible 2025. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.