परमेश्वर उन वचन
कुलुस्सिगोळ 4
हे स्वामीगोळा, नीव तान तान सेवकगोळी आंदुर क्याल्सागोळ अनुसार जो सही बदला आद आंदरी कोळी. याद ईटी कि स्वर्ग दा नीमव भी यावारा स्वामी आन.
थ्वाळासा व्यावहारिक निर्देश
प्रार्थना दा लगातार हतकु ईरी, अदिक परमेश्वर उक धन्यवाद कोळतेला अदुर दा जागृत ईरी; अदिक इदुर सांगुळ सांगुळ अच नाम साटी भी प्रार्थना माळतेला ईरी, कि परमेश्वर नाम साटी मसीह अन्द आ भेद इन बातणी प्रचार माळोर साटी वळ्लीद मवका प्रदान माळुल, यतिकी इदुर दा कारण ना कैद दा आईन. प्रार्थना माळी कि ना इदरी हिंग स्पष्टता अन्द सांगुळ हेळ सकाईन ह्यांग नानी हेळोद जरूरी आद. 2
समय इन पुरा पुरा इस्तेमाल माळी अदिक अविश्वासीगोळ सांगुळ बुद्धिमानी देल व्यवहार माळी. नीम मातगोळ पुरा अनुग्रह देल तुमकु अदिक लॉकुरी पसंद बरा लायक ईरूल ताकी नीव जान्स कोमी कि हर मंळसा अक ह्यांग उत्तर कोळोद जरूरी आद.
आखरी अभिवादन
नाम प्रिय वार्ट अदिक विश्वासयोग्य सेवक, तुखिकुस, जो प्रभु दा नान सहकर्मी आन, नान सप्पा समाचार नीमी हेळ बुट्टान. आऊक ना इदुरसाटी नीम्द हात्ती कळुदीन कि नीमी नाम्द दशा मालूम आगेगुल अदिक आव नीम्द दिलगोळ इक प्रोत्साहित माळुल. 5आऊन सांगुळ ना उनेसिमुस उक भी कळुदीन जो विश्वासलायक अदिक प्रिय वार्ट अदिक नीम दा टु ना ऊंद हुन; ईंदुर नीमी ईलेव सप्पा मातगोळ हेळ बुट्टार. 6
अरिस्तर्खुस, जो नान सांगुळ बंदीगृह दा सांगुळ ईतान, अदिक बरनबास उन वार्ट मरकुस उन नीमी नमस्कार, मरकुस उन बारा दा नीमी निर्देश सिक्केग्याद अच अगर आव नीम हात्ती बंदान रा आऊन स्वागत माळकु आऊक ग्रहण माळेतीर. यूस्तुस अंदकु आगावाळा यीशु उन भी नीमी नमस्कार सिकुल. सिर्फ ई मुरा मुंदुरा यहूदी विश्वासी परमेश्वर उन राज्य अन्द साटी नान सांगुळ क्याल्सा माळेत्यार, अदिक ईंदुर्द नानी हापाळ सहायता सिक्याद. 7
इपफ्रास, जो नीम दा टु ऊंद आन अदिक मसीह यीशु उन दास आन, नीमी नमस्कार अनतान अदिक सदा नीम साटी प्रार्थनागोळ दा प्रयत्न माळतान, ताकी नीव सिद्ध आगकु पुरा विश्वास इन सांगुळ परमेश्वर उन इच्छा मा स्थिर ईरी. ना व्यक्तिगत रीति देल आऊन गवाह आईन कि आव नीम साटी अदिक लौदीकिया अदिक हियरापुलिसवाळेर्द साटी कठिन मेहनत माळतेला ईरतान. 8नाम प्रिय वैद्य लूका अदिक देमास नीमी नमस्कार कळुतार.
लौदीकिया अन्द विश्वासी वार्टुर, अदिक आकतींग नुमफास अदिक आकिन मान्ना अन्द मंडली इक नाम दी टु नमस्कार अनेत. याग ईद चिट्ठी नीम अल वाचुसकु आदीत रा हिंग माळेतीर कि लौदीकिया अन्द मंडली दा भी वाचुसकु आगुल, अदिक अदा समय अद चिट्ठी जो लौदीकिया नोर विश्वासी नीमी कळ्यार अदरी नीव भी वाचुसेतीर. 9अदिक अरखिप्पुस से अनेतीर कि “जो स्यावा प्रभु दा आऊक सौप्सकु आग्याद आव अदरी निश्चय इन सांगुळ पुरा माळुल.
“ना पौलुस खुद तान कय देल नीमी नमस्कार लिखसेतीन. याद ईटी कि ना शंकलीगोळ देल कटकु बंदीगृह दा आईन,”
परमेश्वर उन अनुग्रह नीम सांगुळ बन्सकु ईरूल.
Source notes (9)
- Cross-reference इफिसिगोळ ६:९
- Cross-reference इफिसिगोळ ५:१६
- Cross-reference प्रेरितगोळ २०:४; २ तीमुथियुस ४:१२
- Cross-reference इफिसिगोळ ६:२१,२२
- Cross-reference फिलेमोन १:१०-१२
- Cross-reference प्रेरितगोळ १९:२९; २७:२; फिलेमोन १:२४; प्रेरितगोळ १२:१२,२५; १३:१३; १५:३७-३९
- Cross-reference कुलुस्सिगोळ १:७; फिलेमोन १:२३
- Cross-reference २ तीमुथियुस ४:११; फिलेमोन १:२४; २ तीमुथियुस ४:१०; फिलेमोन १:२४
- Cross-reference फिलेमोन १:२
परमेश्वर उन वचन. Copyright © 2020 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.