Biblica® Open Hiligaynon Contemporary Bible 2022
Salmo 133
Ang Pagpuyo nga may Pag-isa
Ang kanta samtang nagapasaka. Ginsulat ni David.
Daw ano kaayo kag kanami tan-awon kon ang katawhan sang Dios nagapuyo nga may pag-isa.
Pareho ini sang malahalon nga lana nga ginbubo sa ulo ni Aaron
kag nag-ilig sa iya burangos hasta sa kuwelyo sang iya bayo.
Ukon pareho ini sang tun-og sa Bukid sang Hermon
nga nag-abot sa mga Bukid sang Zion.1
Kag diri sa Zion nagpromisa ang Ginoo sang pagpakamaayo,
nga amo ang kabuhi nga wala sing katapusan.
Source notes (1)
- Footnote Zion: ukon, Jerusalem
Biblica® Open Hiligaynon Contemporary Bible 2022. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.