תנ ך עברי מודרני
תְהִלִּים 3
מזמור לדוד בברחו מפני אבשלום בנו יהוה מה רבו צרי רבים קמים עלי׃ רבים אמרים לנפשי אין ישועתה לו באלהים סלה׃ ואתה יהוה מגן בעדי כבודי ומרים ראשי׃ קולי אל יהוה אקרא ויענני מהר קדשו סלה׃ אני שכבתי ואישנה הקיצותי כי יהוה יסמכני׃ לא אירא מרבבות עם אשר סביב שתו עלי׃ קומה יהוה הושיעני אלהי כי הכית את כל איבי לחי שני רשעים שברת׃ ליהוה הישועה על עמך ברכתך סלה׃
תנ ך עברי מודרני. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.