תנ ך עברי מודרני
תְהִלִּים 108
שיר מזמור לדוד נכון לבי אלהים אשירה ואזמרה אף כבודי׃ עורה הנבל וכנור אעירה שחר׃ אודך בעמים יהוה ואזמרך בל אמים׃ כי גדול מעל שמים חסדך ועד שחקים אמתך׃ רומה על שמים אלהים ועל כל הארץ כבודך׃ למען יחלצון ידידיך הושיעה ימינך וענני׃ אלהים דבר בקדשו אעלזה אחלקה שכם ועמק סכות אמדד׃ לי גלעד לי מנשה ואפרים מעוז ראשי יהודה מחקקי׃ מואב סיר רחצי על אדום אשליך נעלי עלי פלשת אתרועע׃ מי יבלני עיר מבצר מי נחני עד אדום׃ הלא אלהים זנחתנו ולא תצא אלהים בצבאתינו׃ הבה לנו עזרת מצר ושוא תשועת אדם׃ באלהים נעשה חיל והוא יבוס צרינו׃
תנ ך עברי מודרני. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.