Halelu 126

1I A Iehova i hoihoi mai ai i ka pio ana o Ziona, Like no kakou me ka poe moe uhane.

2Alaila, piha no ko kakou waha i ka akaaka, A me ko kakou alelo i ka hauoli; Alaila, olelo no lakou iwaena o ko na aina e, Nani na mea a Iehova i hana mai ai no lakou la.

3Ua nani no na mea a Iehova i hana mai ai no kakou; A ua lealea kakou malaila.

4E Iehova, e hoihoi oe i ko makou pio ana, E like me na kahawai, ma ke kukuluhema.

5O ka poe lulu me na waimaka, E hoiliili lakou me ka hauoli.

6He oiaio, o ka mea hele, a uwe, I kona lawe ana i ka hua e lulu ai, He oiaio no, e hoi mai oia me ka hauoli, E amo pu ana i kona mau pua.