Solomona 5

1E KUU keiki, e hoolohe mai i ko'u naauao, E haliu mai hoi kou pepeiao i ko'u iko:

2I malama oe i ke aoia mai, E hoopaa hoi kou mau lehelehe i ka ike.

3No ka mea, o na lehelehe o ka wahine hookamakama he meli ia e kulu ana, A ua oi aku ka pahee o kona waha i ko ka aila.

4Aka, na awahia kona hope, e like me ka laau awaawa, Oioi hoi o like me ka pahikaua oi lua.

5Ke iho iho la kona mau wawae i ka make, E pili ana hoi kona mau kapuwai i ka lua,

6I ole oe e noonoo i ke ala o ko ola, He loli wale kona noho ana i ole oe e ike aku.

7Ano la, e na keiki, hoolohe mai ia'u, Mai haliu ae mai ka olelo aku a kuu waha.

8E hooneenee loa aku i kou hele ana mai ona aku, Mai hookokoke aku oe i ka puka o kona hale:

9O haawi oe i kou nani i na mea e, A me kon mau makahiki hoi i ka mea aloha ole:

10O lako hoi na mea e i kou mau mea maikai; A me na hale o ka malihini i kau waiwai;

11A uwe oe i kou hope, I ka pau ana o kou io a me kou kino;

12A e olelo hoi, Auwe ko'u inaina aku i ka ike, A me ka hoowahawaha ana o ko'u naau i ke aoia mai!

13Aole au i hoolohe i ka leo o ka'u mau kumu, Aole hoi i haliu aku ko'u pepeiao i ka poe i ao mai ia'u!

14Mai noho au ma na hewa a pau loa, Mawaena o ke anaina a me ka ahakanaka.

15E ia u oe i ka wai noloko ae o kou punawai, A i na waikahe hoi noloko ae o kou kahawai.

16E hu aku iwaho kou mau lokowai, A kahe na auwai ma na alanui.

17Nau wale iho no lakou, Aole na ka poe malihini pu me oe.

18E hoomaikaiia kou punawai; A e olioli oe me ka wahine o kou wa ui.

19He dia aloha ia a me ka ibeka oluolu; E maona oe i na la a pau i kona waiu, E ana mau oe i kona aloha.

20No ke aha la e ona oe, e kuu keiki, i ka wahine e, A e apo oe i ka wahine a hai ma kou umauma?

21No ka mea, e kau pono ana na maka o Iehova i ka aoao o ke kanaka, E ike ana no hoi i kona mau aoao a pau,

22E puni ka mea hewa i kona hala iho, E heiia hoi oia i ka hei o kona hewa iho.

23E make oia me ke ao ole ia mai; A e hele hewa oia i ka nui o kona naaupo ana.