Haryanvi Bible
भजन संहिता 93
परमेसवर के राज्य की महिमा
यहोवा राजा सै; उसनै महानता का पहरावा पैहरया सै;
यहोवा पहरावा पहरे होये, अर सामर्थ्य का पटका बाँधे सै।
इस करकै दुनिया स्थिर सै, वो न्ही टळण का।
हे यहोवा, तेरी राजगद्दी सदाकाल तै स्थिर सै,
तू हमेशा तै सै।
हे यहोवा, महानदा का शोर हो रह्या सै,
महानदा का बड़ा शब्द हो रह्या सै,
महानद गरजै सै।
महासागर के शब्द तै भी,
अर समुन्दर की महातरंगां तै भी,
विराजमान यहोवा घणाए महान सै।
तेरी चितौनी घणी बिश्वास लायक सै;
हे यहोवा, तेरे भवन नै युग-युग पवित्रता ए शोभा देवै सै।
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.