Haryanvi Bible
भजन संहिता 67
धन्यवाद का भजन
प्रधान बजाण आळे खात्तर तारआळे बाज्यां कै गैल भजन, गीत
परमेसवर म्हारे पै अनुग्रह करै अर म्हारे ताहीं आशीष दे;
वो म्हारे पै अपणे मुख का प्रकाश चमकावै। (सेला)
जिसतै तेरी गति धरती पै,
अर तेरा करया होया उद्धार सारी जातियाँ म्ह जाण्या जावै।
हे परमेसवर, देश-देश के माणस तेरा धन्यवाद करै;
देश-देश के सारे माणस तेरा धन्यवाद करै।
राज्य-राज्य के माणस खुशी मनावै,
अर जयजयकार करै,
क्यूँके तू देश-देश के माणसां का न्याय धर्म तै करैगा,
अर धरती के राज्य-राज्य के माणसां की अगुवाई करैगा।
हे परमेसवर, देश-देश के माणस तेरा धन्यवाद करै;
देश-देश के सारे माणस तेरा धन्यवाद करै।
धरती नै अपणी उपज दी सै,
परमेसवर जो म्हारा परमेसवर सै, उसनै म्हारे ताहीं आशीष दी सै।
परमेसवर म्हारे ताहीं आशीष देवैगा;
अर धरती के दूर-दूर देशां के सारे माणस उसका भय मान्नैगें।
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.