Haryanvi Bible
भजन संहिता 20
जीत खात्तर प्रार्थना
प्रधान बजाण आळे खात्तर दाऊद का भजन
मुसीबत कै दिन यहोवा तेरी सुण ले!
याकूब के परमेसवर का नाम तेरे ताहीं
ऊँच्चा पद दे!
वो पवित्र जगहां तै तेरी मदद करै,
अर सिय्योन तै तन्नै सम्भाळै!
वो तेरी सारी भेटां नै याद करै,
अर तेरे होमबलि नै कबूल करै। (सेला)
वो तेरे मन की इच्छा नै पूरी करै,
अर तेरी सारी योजना नै सफल करै!
फेर हम तेरे उद्धार के कारण ऊँच्ची आवाज तै
खुश होकै खावांगें,
अर अपणे परमेसवर के नाम तै झण्डे खड़े करैंगें
यहोवा तेरी सारी बिनती सुणै।
इब मै जाण ग्या के यहोवा अपणे अभिषिक्त नै बचावैगा;
वो अपणे पवित्र सुर्ग तै,
अपणे सोळे हाथ के उद्धार करण आळें सामर्थ्य तै उस ताहीं जवाब देवैगा।
किसे नै रथां का अर किसे नै घोड्या का भरोस्सा सै,
पर हम तो अपणे परमेसवर यहोवा का ए नाम लेवांगें।
वे तो झुक ग्ये अर गिर ग्ये
पर हम उठ्ठे अर सीध्धे खड़े सां।
हे यहोवा, राजा नै छुड़ा1,
जिब हम पुकारा तो म्हारी मदद कर।
Source notes (1)
- Footnote छुड़ा जितवा दे
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.