Haryanvi Bible
भजन संहिता 123
परमेसवर की दया खात्तर प्रार्थना
यात्रा का गीत
हे सुर्ग म्ह विराजमान
मै अपणी आँख तेरी ओड़ लगाऊ सूं!
देख, जिस तरियां दास्सां की आँख अपणे मालिकां की हाथ की ओड़,
जिस तरियां दासियाँ की आँख अपणी मालकिन के हाथ की ओड़ लाग्गी रहवै सै,
उसे तरियां म्हारी आँख भी अपणे परमेसवर यहोवा की ओड़ उस बखत तक लाग्गी रहवैंगी,
जिब ताहीं वो म्हारे पै दया ना करै।
म्हारे पै दया कर, हे यहोवा, म्हारे पै कृपा कर,
क्यूँके हम बेजती तै भोत घणे भरगे सां।
म्हारा जीवन सुखी माणसां के मखौल तै,
अर घमण्डियाँ की बेजती तै भोत-ए घणा भरग्या सै।
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.