Skip to content
BibleKenya

Haryanvi Bible

गिनती 7

वेदी के अभिषेक के उत्सव की भेटें

फेर जिब मूसा नै निवास ताहीं खड्या करया, अर सारे सामान सुधा उसका अभिषेक करकै उस ताहीं पवित्र करया, अर सारे सामान सुधा वेदी का भी अभिषेक करकै उस ताहीं पवित्र करया,

फेर इस्राएल के प्रधान जो अपणे-अपणे पितरां के घरान्यां के खास माणस, अर गोत्रां के भी प्रधान होकै गिणती लेण कै काम पै नियुक्त थे,

वे यहोवा कै स्याम्ही भेंट ले आए, अर उनकी भेंट छः भरी होई गाड्डी अर बारहा बळध थे, यानिके दो-दो प्रधान की ओड़ तै एक-एक गाड्डी, अर एक-एक प्रधान की ओड़ तै एक-एक बळध; इन ताहीं वे निवास कै स्याम्ही यहोवा कै धोरै लेगे।

फेर यहोवा नै मूसा तै कह्या,

“उन चिज्जां नै तू उनतै ले-ले, के मिलापआळे तम्बू की सेवा म्ह काम आवै, तू उननै लेवियाँ कै एक-एक कुल की खास सेवा के मुताबिक उन ताहीं बांड दे।”

आखर म्ह मूसा नै वे सारी गाड्डी अर बळध लेकै लेवियाँ ताहीं दे दिये।

गेर्शोनियाँ नै उनकी सेवा कै मुताबिक उसनै दो गाड्डी अर च्यार बळध दिए;

अर मरारियाँ ताहीं उनकी सेवा कै मुताबिक उसनै च्यार गाड्डी अर आठ बळध दिए; ये सारे हारुन याजक के बेट्टे ईतामार के हक म्ह करे गए।

पर कहातियाँ ताहीं उसनै कुछ न्ही दिया, क्यूँके उनके खात्तर पवित्र चिज्जां की या सेवा थी के वो उस ताहीं अपणे कंध्यां पै ठा लिया करैं।

फेर जिब वेदी का अभिषेक होया फेर प्रधान उसके संस्कार की भेंट वेदी कै धोरै ले जाण लाग्गे।

फेर यहोवा नै मूसा तै कह्या, “वेदी के संस्कार के खात्तर प्रधान माणस अपणी-अपणी भेंट अपणे-अपणे खास दिन म्ह चढ़ावै।”

इस करकै जो आदमी पैहल्ड़े दिन अपणी भेंट लेग्या वो यहूदा गोत्रआळे अम्मीनादाब का बेट्टा नहशोन था;

उसकी भेंट या थी, यानिके पवित्रस्‍थान के शेकेल कै हिसाब तै एक सौ तीस शेकेल चाँदी की एक परात, अर सत्तर शेकेल चाँदी का एक कटोरा, ये दोन्‍नु अन्‍नबलि कै खात्तर तेल तै सणे होए अर मैद्दे तै भरे होए थे;

फेर धूप तै भरया होए दस शेकेल सोन्‍ने का एक धूपदान;

होमबलि कै खात्तर एक बाछड़ा, एक मिंढा, अर एक साल का एक भेड़ का बच्‍चा;

पापबलि कै खात्तर एक बकरा;

अर मेलबलि कै खात्तर दो बळध, अर पाँच मिंढे, अर पाँच बकरे, अर एक-एक साल के पाँच भेड़ के बच्‍चे। अम्मीनादाब के बेट्टे नहशोन की याए भेंट थी।

दुसरे दिन इस्साकार का प्रधान सूआर का बेट्टा नतनेल भेंट ले आया; वो न्यू थी, यानिके पवित्रस्‍थान के शेकेल कै हिसाब तै एक सौ तीस शेकेल चाँदी की एक परात, अर सत्तर शेकेल चाँदी का एक कटोरा, ये दोन्‍नु अन्‍नबलि कै खात्तर तेल तै सणे होए अर मैद्दे तै भरे होए थे;

फेर धूप तै भरया होया दस शेकेल सोन्‍ने का एक धूपदान;

होमबलि कै खात्तर एक बाछड़ा, एक मिंढा, अर एक साल का एक भेड़ का बच्‍चा;

पापबलि कै खात्तर एक बकरा;

अर मेलबलि कै खात्तर दो बळध, अर पाँच मिंढे, अर पाँच बकरे, अर एक-एक साल के पाँच भेड़ के बच्‍चे। सूआर के बेट्टे नतनेल की याए भेंट थी।

अर तीसरे दिन जबूलूनियाँ का प्रधान हेलोन का बेट्टा एलीआब याए भेंट ले आया,

यानिके पवित्रस्‍थान के शेकेल कै हिसाब तै एक सौ तीस शेकेल चाँदी की एक परात, अर सत्तर शेकेल चाँदी का एक कटोरा, ये दोन्‍नु अन्‍नबलि कै खात्तर तेल तै सणे होए अर मैद्दे तै भरे होए थे;

फेर धूप तै भरया होया दस शेकेल सोन्‍ने का एक धूपदान;

होमबलि कै खात्तर एक बाछड़ा, एक मिंढा, अर एक साल का एक भेड़ का बच्‍चा;

पापबलि कै खात्तर एक बकरा;

अर मेलबलि कै खात्तर दो बळध, अर पाँच मिंढे, अर पाँच बकरे, अर एक-एक साल के पाँच भेड़ के बच्‍चे। हेलोन के बेट्टे एलीआब की याए भेंट थी।

अर चौथे दिन रूबेनियाँ का प्रधान शदेऊर का बेट्टा एलीसूर या भेंट ले आया,

यानिके पवित्रस्‍थान के शेकेल कै हिसाब तै एक सौ तीस शेकेल चाँदी की एक परात, अर सत्तर शेकेल चाँदी का एक कटोरा, ये दोन्‍नु अन्‍नबलि कै खात्तर तेल तै सणे होए अर मैदे तै भरे होए थे;

फेर धूप तै भरया होया दस शेकेल सोन्‍ने का एक धूपदान;

होमबलि कै खात्तर एक बाछड़ा, अर एक मिंढा, अर एक साल का एक भेड़ का बच्‍चा;

पापबलि कै खात्तर एक बकरा;

अर मेलबलि कै खात्तर दो बळध, अर पाँच मिंढे, अर पाँच बकरे, अर एक-एक साल के पाँच भेड़ के बच्‍चे। शदेऊर के बेट्टे एलीसूर की याए भेंट थी।

अर पाँचमै दिन शिमोनियां का प्रधान सूरीशद्दै का बेट्टा शलूमीएल या भेंट ले आया,

यानिके पवित्रस्‍थान के शेकेल कै हिसाब तै एक सौ तीस शेकेल चाँदी की एक परात, अर सत्तर शेकेल चाँदी का एक कटोरा, ये दोन्‍नु अन्‍नबलि कै खात्तर तेल तै सणे होए अर मैदे तै भरे होए थे;

फेर धूप तै भरया होया दस शेकेल सोन्‍ने का एक धूपदान;

होमबलि कै खात्तर एक बाछड़ा, अर एक मिंढा, अर एक साल का एक भेड़ का बच्‍चा;

पापबलि कै खात्तर एक बकरा;

अर मेलबलि कै खात्तर दो बळध, अर पाँच मिंढे, अर पाँच बकरे, अर एक-एक साल के पाँच भेड़ के बच्‍चे। सूरीशद्दै के बेट्टे शलूमीएल की याए भेंट थी।

अर छठवें दिन गादियाँ का प्रधान दूएल का बेट्टा एल्यासाप या भेंट ले आया,

यानिके पवित्रस्‍थान के शेकेल कै हिसाब तै एक सौ तीस शेकेल चाँदी की एक परात, अर सत्तर शेकेल चाँदी का एक कटोरा ये दोन्‍नु अन्‍नबलि कै खात्तर तेल तै सणे होए अर मैद्दे तै भरे होए थे;

फेर धूप तै भरया होया दस शेकेल सोन्‍ने का एक धूपदान;

होमबलि कै खात्तर एक बाछड़ा, अर एक मिंढा, अर एक साल का एक भेड़ का बच्‍चा;

पापबलि कै खात्तर एक बकरा;

अर मेलबलि कै खात्तर दो बळध, अर पाँच मिंढे, अर पाँच बकरे, अर एक-एक साल के पाँच भेड़ के बच्‍चे। दूएल के बेट्टे एल्यासाप की याए भेंट थी।

सातमै दिन एप्रैमियां का प्रधान अम्मीहूद का बेट्टा एलीशामा या भेंट ले आया,

यानिके पवित्रस्‍थान के शेकेल कै हिसाब तै एक सौ तीस शेकेल चाँदी की एक परात, अर सत्तर शेकेल चाँदी का एक कटोरा, ये दोन्‍नु अन्‍नबलि कै खात्तर तेल तै सणे होए अर मैद्दे तै भरे होए थे;

फेर धूप तै भरया होया दस शेकेल सोन्‍ने का एक धूपदान;

होमबलि कै खात्तर एक बाछड़ा, एक मिंढा, अर एक साल का एक भेड़ का बच्‍चा;

पापबलि कै खात्तर एक बकरा;

अर मेलबलि कै खात्तर दो बळध, अर पाँच मिंढे, अर पाँच बकरे, अर एक-एक साल के पाँच भेड़ के बच्‍चे। अम्मीहूद के बेट्टे एलीशामा की याए भेंट थी।

आठवें दिन मनश्शेइयां का प्रधान पदासूर का बेट्टा गम्लीएल या भेंट ले आया,

यानिके पवित्रस्‍थान के शेकेल कै हिसाब तै एक सौ तीस शेकेल चाँदी की एक परात, अर सत्तर शेकेल चाँदी का एक कटोरा, ये दोन्‍नु अन्‍नबलि कै खात्तर तेल तै सणे होए अर मैद्दे तै भरे होए थे;

फेर धूप तै भरया होया दस शेकेल सोन्‍ने का एक धूपदान;

होमबलि कै खात्तर एक बाछड़ा, अर एक मिंढा, अर एक साल का एक भेड़ का बच्‍चा;

पापबलि कै खात्तर एक बकरा;

अर मेलबलि कै खात्तर दो बळध, अर पाँच मिंढे, अर पाँच बकरे, अर एक-एक साल के पाँच भेड़ के बच्‍चे। पदासूर के बेट्टे गम्लीएल की याए भेंट थी।

नोम्में दिन बिन्‍यामीनियाँ का प्रधान गिदोनी का बेट्टा अबीदान या भेंट ले आया,

यानिके पवित्रस्‍थान के शेकेल कै हिसाब तै एक सौ तीस शेकेल चाँदी की एक परात, अर सत्तर शेकेल चाँदी का एक कटोरा, ये दोन्‍नु अन्‍नबलि कै खात्तर तेल तै सणे होए अर मैद्दे तै भरे होए थे;

फेर धूप तै भरया होया दस शेकेल सोन्‍ने का एक धूपदान;

होमबलि कै खात्तर एक बाछड़ा, अर एक मिंढा, अर एक साल का एक भेड़ का बच्‍चा;

पापबलि कै खात्तर एक बकरा;

अर मेलबलि कै खात्तर दो बळध, अर पाँच मिंढे, अर पाँच बकरे, अर एक-एक साल के पाँच भेड़ के बच्‍चे। गिदोनी के बेट्टे अबीदान की याए भेंट थी।

दसवें दिन दानियां का प्रधान अम्मीशद्दै का बेट्टा अहीएजेर यों भेंट ले आया,

यानिके पवित्रस्‍थान के शेकेल कै हिसाब तै एक सौ तीस शेकेल चाँदी की एक परात, अर सत्तर शेकेल चाँदी का एक कटोरा, ये दोन्‍नु अन्‍नबलि कै खात्तर तेल तै सणे होए अर मैदे तै भरे होए थे;

फेर धूप तै भरया होया दस शेकेल सोन्‍ने का एक धूपदान;

होमबलि कै खात्तर बाछड़ा, अर एक मिंढा, अर एक साल का एक भेड़ का बच्‍चा;

पापबलि कै खात्तर एक बकरा;

अर मेलबलि कै खात्तर दो बळध, अर पाँच मिंढे, अर पाँच बकरे, अर एक-एक साल के पाँच भेड़ के बच्‍चे। अम्मीशद्दै के बेट्टे अहीएजेर की याए भेंट थी।

ग्यारहवें दिन आशेरियाँ का प्रधान ओक्रान का बेट्टा पगीएल या भेंट ले आया।

यानिके पवित्रस्‍थान के शेकेल कै हिसाब तै एक सौ तीस शेकेल चाँदी की एक परात, अर सत्तर शेकेल चाँदी का एक कटोरा, ये दोन्‍नु अन्‍नबलि कै खात्तर तेल तै सणे होए अर मैद्दे तै भरे होए थे;

फेर धूप तै भरया होया दस शेकेल सोन्‍ने का धूपदान;

होमबलि कै खात्तर एक बाछड़ा, अर एक मिंढा, अर एक साल का एक भेड़ का बच्‍चा;

पापबलि कै खात्तर एक बकरा;

अर मेलबलि कै खात्तर दो बळध, अर पाँच मिंढे, अर पाँच बकरे, अर एक-एक साल के पाँच भेड़ के बच्‍चे। ओक्रान के बेट्टे पगीएल की याए भेंट थी।

बारहवैं दिन नप्तालियाँ का प्रधान एनान का बेट्टा अहीरा या भेंट ले आया,

यानिके पवित्रस्‍थान के शेकेल कै हिसाब तै एक सौ तीस शेकेल चाँदी की एक परात, अर सत्तर शेकेल चाँदी का एक कटोरा, ये दोन्‍नु अन्‍नबलि कै खात्तर तेल तै सणे होए अर मैद्दे तै भरे होए थे;

फेर धूप तै भरया होया दस शेकेल सोन्‍ने का एक धूपदान;

होमबलि कै खात्तर एक बाछड़ा, अर एक मिंढा, अर एक साल का एक भेड़ का बच्‍चा;

पापबलि कै खात्तर एक बकरा;

अर मेलबलि कै खात्तर दो बळध, अर पाँच मिंढे, अर पाँच बकरे, अर एक-एक साल के पाँच भेड़ के बच्‍चे। एनान के बेट्टे अहीरा की याए भेंट थी।

वेदी के अभिषेक कै बखत इस्राएल के प्रधानां की ओड़ तै उसकै संस्कार की भेंट याए होई, यानिके चाँदी की बारहा परात, चाँदी के बारहा कटोरे, अर सोन्‍ने के बारहा धूपदान।

एक-एक चाँदी की परात एक सौ तीस शेकेल का, अर एक-एक चाँदी का कटोरा सत्तर शेकेल का था; अर पवित्रस्‍थान के शेकेल कै हिसाब तै ये सारे चाँदी के बरतन दो हजार च्यार सौ शेकेल कै थे।

फेर धूप तै भरे होए सोन्‍ने के बारहा धूपदान जो पवित्रस्‍थान के शेकेल कै हिसाब तै दस-दस शेकेल कै थे, वे सारे धूपदान एक सौ बीस शेकेल सोन्‍ने के थे।

फेर होमबलि कै खात्तर सारे मिलाकै बारहा बाछड़े, बारहा मिंढे, अर एक-एक साल के बारहा भेड़ के बच्‍चे, अपणे-अपणे अन्‍नबलि सुधा थे; फेर पापबलि के सारे बकरे बारहा थे;

अर मेलबलि कै खात्तर सारे मिलाकै चौबीस बळध, अर साठ मिंढे, अर साठ बकरे, अर एक-एक साल के साठ भेड़ के बच्‍चे थे। वेदी का अभिषेक होण कै बाद उसकै संस्कार की भेंट याए होई।

अर जिब मूसा यहोवा तै बात करण नै मिलापआळे तम्बू म्ह गया, फेर उसनै प्रायश्चित कै ढक्‍कण पै तै, जो साक्षीपत्र कै सन्दूक कै उप्पर था, दोन्‍नु करूबां कै बीच म्ह तै उसकी आवाज सुणी जो उसतै बात कर रह्या था; अर उसनै (यहोवा) उसतै बात करी।

Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.