मरकुस

मरकुस के जरिये लिख्या गया सुसमाचार

लेखक

शरुआती कलीसिया के प्राचीनां का एकमत होकै मानणा था के, इस किताब का लेखक यूहन्‍ना मरकुस था। नये नियम म्ह यूहन्‍ना मरकुस का नाम दस बार आया सै (

लिखण की तारिख अर जगहां

लगभग ईस्वी 50 - 60

कलीसिया के प्राचीनां के लेख (आइरेनियस, सिकन्दरिया का क्लेमेंस अर दुसरे) पुष्टि करै सै के मरकुस के जरिये मसीह का सुसमाचार रोम म्ह लिख्या गया था। शरुआती कलीसिया के स्रोत का कहणा सै के यो सुसमाचार वृत्तान्त पतरस की मौत के बाद लिख्या गया था।

प्रापक

अभिलेखां तै मिले सबुतां तै इशारा मिलै सै के मरकुस नै गैरजात्तां के पाठकां खात्तर मसीह के सुसमाचार का वृत्तान्त लिख्या था जिन म्ह रोमी खास थे। योए कारण था के यीशु की वंशावली उसनै न्ही दर्शाई क्यूँके गैरजात संसार खात्तर उसका महत्त्व लगभग न्ही के बराबर ए था।

मकसद

मरकुस के पाठक जो मुख्यतः रोम के मसीही बिश्वासी थे। ईस्वी 67-68 म्ह घोर सताव म्ह थे, रोमी सम्राट नीरो के राज्यकाल म्ह मसीही बिश्वासियाँ नै उत्पीड़ित करकै मार दिया जावै था। इसी हालत म्ह मरकुस नै मसीह के सुसमाचार का वृत्तान्त लिख्या के मसीही बिश्वासियाँ का ढाढ़स बंधाया जावै क्यूँके वे इसी नाश होण आळी हालत म्ह थे। योए कारण सै के उसनै यीशु ताहीं “दुखी दास” के रूप म्ह दर्शाया सै। (

खास बातें

यीशु - दुखी दास

रूपरेखा

1. सेवा के काम खात्तर यीशु की तैयारी

2. गलील अर उसके प्रवेश म्ह यीशु की सेवा

3. यीशु के सेवा के काम, कष्ट सहणा अर मृत्यु

4. यरुशलेम म्ह यीशु की सेवा

5. यीशु के क्रूस पै चढ़ाए जाण का वृत्तान्त

6. यीशु का पुनरूत्थान अर दुबारा दिखाई देणा