Haryanvi Bible
यशायाह 4
सिय्योन का नवीकरण
उस बखत सात जनान्नी एक माणस नै पकड़कै कहवैंगे, “रोट्टी तो हम अपणी ए खावांगी, अर कपड़े अपणे ए पहैरांगी, सिर्फ हम तेरी कुह्वावां; म्हारी कुँवारी रहण की बदनाम्मी दूर कर।”
उस1 बखत इस्राएल के बचे होया कै खात्तर यहोवा की डाळी, भूषण अर महिमा ठहरैगी, अर धरती की उपज, बड़ाई अर शोभा ठहरैगी। अर2 जो कोए सिय्योन म्ह बच्या रहवै, अर यरुशलेम म्ह रहवै, यानिके यरुशलेम म्ह जितन्या के नाम जीवनपत्र म्ह लिखे हों, वे पवित्र कुह्वावैगें। यो फेर होवैगा, जिब प्रभु न्याय करण आळी अर भस्म करण आळी आत्मा कै जरिये सिय्योन की जनानियाँ के मैल ताहीं धो देवैगा अर यरुशलेम के खून ताहीं दूर कर देवैगा। फेर यहोवा सिय्योन पर्वत के एक-एक घर कै उप्पर, अर उसके सभा स्थानां कै उप्पर, दिन म्ह तो धुएँ का बादळ, अर रात नै धधकदी आग की रोशनी सिरजेगा,3 अर सारे वैभव कै उप्पर एक मण्डप छाया रहवैगा। वो दिन म्ह धूप तै बचाण कै खात्तर अर आँधी-पाणी अर झड़ी म्ह एक शरण अर आड़ होवैगा।
Source notes (3)
- Footnote उस यिर्म. 23:5; यशा. 27:6
- Footnote अर प्रका. 20:15
- Footnote रोशनी सिरजेगा, इस पद अर आगले पद का मतलब सै के परमेसवर अपणे माणसां ताहीं पवित्र देख-रेख अर हिफाजत म्ह राक्खैगा।
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.