गलातियों

गलातिया परदेस ताहीं पौलुस की चिट्ठी

लेखक

इस चिट्ठी का लेखक पौलुस सै। शरुआत्ती कलीसिया का योए एकमत बिश्वास था। पौलुस नै दक्षिणी गलातिया क्षेत्र की कलीसियाओं ताहीं याए चिट्ठी लिखी थी। एशिया माइनर की प्रचार-यात्रा के बखत इन कलीसिया की स्थापना म्ह पौलुस का भी हाथ था। गलातिया रोम या कुरिन्थुस के जिसा एक सम्पूर्ण नगर न्ही था। वो एक रोमी प्रान्त था जिस म्ह अनेक नगर थे अर ओड़ै भोत कलीसिया स्थापित होगी थी। ये गलातियावासी जिन ताहीं पौलुस नै चिट्ठी लिखी पौलुस द्वारा मसीही बिश्वास म्ह लाए गये थे।

लिखण की तारिख अर जगहां

लगभग ईस्वी 48

हो सकै सै पौलुस नै या चिट्ठी अन्ताकिया तै लिखी हो, क्यूँके यो नगर उसका मुख्य निवास था।

प्रापक

या चिट्ठी गलातिया परदेस की कलीसियाओं के सदस्यां ताहीं लिखी गई थी (

मकसद

इस चिट्ठी के पाच्छै का मकसद यो था के यहूदी पृष्ठभूमि के मसीही बिश्वासियों की भ्रमित शिक्षा का खण्डन करया जावै क्यूँके उनकी शिक्षा के अनुसार उद्धार पाण खात्तर खतना करवाणा जरूरी था। वो गलातिया के बिश्वासियों ताहीं उद्धार का वास्तविक आधार समझाणा चाहवै था। पौलुस अपणे प्रेरिताई अधिकार की पुष्टि करकै अपणे जरिये प्रचार करे गये सुसमाचार की जाँच करै सै। माणस अनुग्रह के जरिये बिश्वास ए तै धर्मनिष्ठ मान्या जावै सै अर उन ताहीं केवल अपणे बिश्वास तै आत्मा की आजादी के इस जीवन म्ह जीना सिखणा सै।

खास बातें

मसीह म्ह आजादी

रूप-रेखा

1. भूमिका

2. सुसमाचार का पक्‍का सबूत देणा

3. बिश्वास के जरिये धार्मिकता होणा

4. बिश्वास के जीवन का आचरण अर आजादी