2 कुरिन्थियों

कुरिन्थिस नगर के माणसां ताहीं प्रेरित पौलुस की दुसरी चिट्ठी

लेखक

पौलुस नै अपणे जीवन के एक नाजुक बखत म्ह कुरिन्थस की कलीसिया ताहीं या दुसरी चिट्ठी लिखी थी। पौलुस नै जब जानकारी मिली के वा कलीसिया मुसीबतां म्ह झूझण लागरी सै तो उसनै कुछ करणा चाह्या के उस कलीसिया की एकता सुरक्षित रहवै। जब पौलुस नै या चिट्ठी लिखी थी तब उसनै दुख दर्द का अहसास होण लाग रह्या था क्यूँके वो कुरिन्थस की कलीसिया तै प्रेम राक्खै था। कष्ट मनुष्य की दुर्बलता नै दिखावै सै पर परमेसवर की प्रतिज्ञा काफी हो सै, “मेरा अनुग्रह तेरे खात्तर भोत सै, क्यूँके मेरी सामर्थ्य कमजोरी म्ह सिध्द हो सै” (

लिखण की तारिख अर जगहां

लगभग ईस्वी 55 - 56

कुरिन्थस की कलीसिया ताहीं पौलुस की या दुसरी चिट्ठी मकिदुनिया तै लिखी गई थी।

प्रापक

कुरिन्थस की कलीसिया अर सम्पूर्ण अखाया जिसकी रोमी राजधानी कुरिन्थस थी (

मकसद

इस चिट्ठी ताहीं लिखण म्ह पौलुस के भोत सारे मकसद थे। कुरिन्थस की कलीसिया नै पौलुस की पिछली दर्द भरी चिट्ठी के प्रति सकारात्मक प्रतिक्रिया दिखाई इस कारण पौलुस नै बड़ी शक्ति मिली थी अर वो आनन्द तै भर ग्या था (

खास बातें

पौलुस अपणे प्रेरिताई का बचाव करै सै।

रूप-रेखा

1. पौलुस द्वारा उसकी सेवा की व्याख्या

2. यरुशलेम के बिश्वासियाँ खात्तर दान संग्रह

3. पौलुस के जरिये अपणे हक का समर्थन

4. त्रिएक आशीर्वाद जरिये समापन