1 तीमुथियुस

तीमुथियुस के नाम प्रेरित पौलुस की पैहली चिट्ठी

जानकारी

तीमुथियुस एक जवान बिश्वासी था, जो एशिया माइनर का रहणीया था, उसकी माँ यहूदी अर पिता यूनानी था। वो पौलुस के प्रचार के काम म्ह उसका साथी अर मददगार बणग्या था। तीमुथियुस के नाम पौलुस की पैहली चिट्ठी तीन खास बात्तां पै विचार करण खात्तर लिखी गई सै। सब तै पैहल्या, या चिट्ठी कलीसिया म्ह झूठ्ठी शिक्षा के खिलाफ एक चेतावनी सै। या शिक्षा, जो के यहूदी अर गैर यहूदी विचारां की मिलावट थी, इस सोच पै आधारित थी के भौतिक संसार ए बुरा सै। अर एक आदमी खास गुप्त ज्ञान अर थोड़े-से रीति-रिवाज, जिस तरियां कुछ खाण की चीज न्ही खाणा अर ब्याह न्ही करणा भोत सी बात्तां के मानण तै ए मुक्ति मिल सकै सै। इस चिट्ठी म्ह कलीसिया के प्रबन्ध अर आराधना तै जुड़े सुझाव भी सै, साथ म्ह चाल-चलण का भी जिक्र सै जो कलीसिया कै अगुवां अर सहायकां खात्तर जरूरी सै। आखर म्ह, तीमुथियुस तै या सलाह दी सै के वो किस तरियां यीशु मसीह का एक आच्छा सेवक बण सकै सै, अर कई और भी बिश्वासी झुण्डां कै खात्तर उसकी के-के जिम्मेदारी सै।

रूप-रेखा

जानकारी 1:1,2

कलीसिया अर इसके अगुवां तै जुड़ी सलाह 1:3-3:16

तीमुथियुस ताहीं उसके काम तै जुड़ी सलाह 4:1-6:21