जकर्याह 13

1उ बखत दाऊद को घराना अर यरूसलेम नगर ख रहन वाला हुन को लाने पाप अर असुद्धता धोवन को लाने एक बहतो हुओ झरना फूटेगो। 2“सेनाओ को यहोवा की यई वाणी आय, कि ऊ बखत मी यू देस म से मुरती हुन को नाम मिटा डालूँगो, अऊर वी फिर याद नी रहेगो; अऊर मी भविस्यवक्‍ता हुन अऊर बुरी आत्मा ख यू देस म से निकाल दूँगो। 3अऊर अदि कोई फिर भविस्यवानी करे, ते ओका माय-बाप जोसे उ पैदा भयो, ओसे कहेंगो, ‘तू जिन्दो नी बचन को, काहेकि तू न यहोवा को नाम से झूठ बोल्यो है;’ एकोलाने जब उ भविस्यवानी करे, तब ओका माय-बाप जोसे उ पैदा भयो अर ओ ख मार डालेंगो। 4ऊ बखत हर एक भविस्यवक्‍ता भविस्यवानी करते हुए अपनो अपनो दर्सन से सर्मिन्दो होयगो, अऊर धोखा देवन को लाने चोंगा को कपड़ा नी पहिनेंगो1, 5परन्तु उ बोलेगो, ‘मी भविस्यवक्‍ता नी किरसान आय; काहेकि बचपन ही से मी खेती को काम करते आयो हेै।’ 6तब ओसे यू पुछियो जाएगो, ‘तोरी छाती म यी घाव कसा भया,’ तब उ कहेगो, ‘वी यी ही आय जो मोरा प्रेमी हुन को घर म मो ख यू घाव लगियो है।’”

परमेस्वर ख चरैया ख मार डालन को हुकुम

7सेनाओ को यहोवा की या वाणी आय, “हे तलवार, मोरो ठहरायो हुओ चरैया हुन को खिलाप अनेकि जो अदमी मोरो मोरी ही समाज को है, ओको खिलाप चल। तू उ चरैया ख काट, तब भेड़ हुन तितर-बितर हो जाएँगो; अर बच्‍चा पर मी अपनो हात से दण्ड दूँगो।” 8यहोवा की या भी वाणी आय, कि यू देस ख पुरा रहवन वाला हुन की दो तिहाई ख मार डालो जाएगो, अऊर बचो हुयो एक हिस्सा ओ म बनो रहेगो। 9अऊर मी वा एक तिहाई ख आगी म चाँदी को जसो सुद्ध करूँगो अऊर सोना को जसो उन ख परखुगो अऊर वी मोरो नाम पुकारेंगो अऊर मी उनकी सुनूँगो। मी उनको बारे म कहूँगो, यी मोरी प्रजा आय, अऊर वी मोरो बारे म कहेंगो, यहोवा हमारो परमेस्वर आय।