भजन 97

परमेस्वर सर्वोच्‍च सासक

1यहोवा राज्य कर रयो है, पृथ्वी मगन होय;

सागर को किनारा प सब देस, भी आनन्द करें।

2बादल अर अन्धकार ओको चारी तरफ हैं;

ओको सिंहासन को मूल धरम अर न्याय हैं।

3ओको आगे आगे आग चलते हुएँ

ओका दुस्मन हुन ख चारी तरफ भस्म करा है।

4ओकी बिजली हुन से दुनिया म उजेला भयो,

पृथ्वी देख ख थरथरा गई है।

5पहाड़ यहोवा को जोने, मोम को जसो पिघल गयो,

अनेकी सारी पृथ्वी को परमेस्वर को सामे।

6आकास न ओकी धरम को बखान करह है;

अर देस देस ख सब इंसान हुन न ओकी महिमा देखी है।

7जित्ता गडी वाली मूर्ती हुन की भक्ति करा है

अर मूर्ती हुन पा अभीमान करा हैं, वी सर्मिन्दा होय;

हे सब देवता हुन, तुम ओका ही पाय पड़ा करो।

8सिय्योन सुन ख मगन भई,

अर यहूदा सहर की पोरी हुन मगन भईं;

हे यहोवा, असो तोरा निर्नय हुन को कारन भयो।

9काहेकि हे यहोवा, तू पुरी पृथ्वी को ऊपर परमप्रधान है;

तू पुरा देवता हुन से जादा महान ठैहरियो है।

10हे यहोवा ख प्रेमी हुन, बुरई से घिन करो;

ऊ ओका भक्‍त हुन कि जान हुन की रक्छा करा है,

अऊर उनका पापी हुन को हात से बचावा है।

11धर्मी लोग हुन को लाने ज्योति,

अर सीधा मनवालो को लाने आनन्द बोयो गयो है।

12हे धर्मी लोग हुन, यहोवा को कारन खुस होव;

अर जे पवित्र नाम से ओका याद करो जाय है, ओको धन्यवाद करो!