भजन 94

परमेस्वर सबको न्यायी है

1हे यहोवा, हे सजा लेनवालो परमेस्वर,

गुस्सा करन वालो परमेस्वर, तोरो तेज दिखा!

2हे पृथ्वी को न्यायी, करता उठ;

अर घमण्डी हुन से पलटा ले जे अधिकारी है!

3हे यहोवा, बुरा इंसान कब तक,

बुरा इंसान कब तक मजा लेतो रहेगो?

4अऊर दुस्ट घमंड भरी बात हुन बोलते जाय हैं,

अऊर अपनो अपराध प घमंड अऊर डीग मारते है,

5हे यहोवा, वी तोरी प्रजा के लोगो को कुचल डालह हैं,

वी तोरो खुदको भाग ख दुख देवा है।

6वी सियानी-सुरती (विधवा) अर परदेसी हुन ख मार डाला है,

अर अनाथ हुन ख मार डाला हैं;

7अऊर कहा हैं, “यू नी देखेगो,

याकूब को परमेस्वर सोचा विचार नी करेगो।”

8तुम जो प्रजा म निर्बुध्दी है, विचार करो;

अऊर हे मुरक, तुम कब बुद्धि मान बनेंगो?

9जे न कान दियो, का ऊ खुद नी सुनत होएँ?

जे न आँख रची, का ऊ खुद नी देखत होएँ?

10जो देस देस ख ताड़ना देवा,

अर अदमी हुन ख ग्यान सिखावा है, का ऊ नी समझाएगो?

11यहोवा इंसान हुन को विचार हुन ख जाना है

कि वी झूठा हैं।

12हे यहोवा, का ही भलो है ऊ इंसान जेका तू ताड़ना देवा है,

अर अपनो नेम सिखावा है।

13काहेकि तू ओका विपत्ति को दिन हुन म ऊ बखत तक चैन देते रहवा है,

जब तक पापी हुन को लाने गड्ड़ा नी खोदो जाय।

14काहेकि यहोवा ओकी प्रजा ख नी तजेगो,

ऊ ओको निज भाग ख नी छोड़ेगो;

15पर न्याय फिर धर्म को हिसाब से, करो जाएगो,

अर पुरा सीधा मनवालो ओको पीछे पीछे चलन लग जाएगो।

16गलत काम करन वाला को खिलाप मोरी तरफ कोन खड़ो होयगो?

मोरी तरफ से अनर्थकारी हुन को कोन सामना करेगो?

17अदि यहोवा मोरो सहायक नी होतो,

ते पल भर म मोका चुपचाप होका रहनू पड़तो।

18जब मी न कयो, “मोरो पाय खिसलन लग गयो है,”

तब हे यहोवा, तोरी करूणा न मोका थाम लियो।

19जब मोरो मन म ढ़ेर सारी चिन्ता हुन होय हैं,

तब हे यहोवा, तोरी दी वाली सांति से मोका सुख होय है।

20का तोरो अर पापी हुन को सिंहासन को बीच मेल होयगो,

जो कानून की आड़ म उपद्रा मचावा हैं?

21वी धर्मी इंसान की जान लेन ख दल बाँधा हैं,

अर बेकसुर ख मोत की सजा देवा हैं।

22पर यहोवा मोरो गढ़,

अर मोरो परमेस्वर मोरी सरण की चट्टान ठैरियो है।

23ओ न उनको अनर्थ काम उनी पर लवटायो है,

अऊर ऊ उनका उन कीच ही बुरई को दुवारा खतम करेगो।

हमरो परमेस्वर यहोवा उनको सत्यानास करेगो।