भजन 83

इस्राएल के जीत को लिए प्रार्थना

गीत। आसाप को भजन

1हे परमेस्वर, गूंगो मत रहवा;

हे परमेस्वर, बहरो मत होय, अऊर न सान्त रै!

2काहेकि देख तोरा सतरू हंगामा मचा रया है;

अऊर तोरा बैरी हुन न सिर उठायो है।

3वी चतुरई से तोरी प्रजा को नुकसान की सला करा,

अऊर तोरा किमती इंसान हुन को खिलाप योजना निकाला है।

4उनना कयो, “आव, अपुन उनको असो नास करें

कि राज्य भी मिट जाय; अऊर इस्राएल को नाम आगे ख याद न रै।”

5उन न एक मन हो ख साजिस निकाली है,

अर तोरो ही खिलाप वाचा बाँधी है।

6यी तो एदोम ख तम्बूवाला

अर इस्माएली लोग, मोआबी अऊर हुग्री,

7गबाली, अम्मोनी, अमालेकी,

अर सोर समेत पलिस्ती है।

8इनको संग अस्सूरी भी मिल गया है;

उन से भी लूतवंसी हुन ख सहारा मिल्यो है।

(सेला)

9इन को संग असो ही व्यवहार करो,

जसो तुम न मिद्यानी को संग करयो रह

अऊर जसो तू न किसोन नद्दी को तट पर

सीसरा अऊर याबीन को संग करयो रह।1

10तुम न उन ख एन्दोर म नास करयो,

उन को सरीर जमीन प सड़ गयो।

11इनका रहिस गोत का इंसान हुन सासन ख ओरेब अर जाएब समान,

अऊर इनका सब प्रधान हुन ख जेबह अर सल्मुन्ना को समान कर दा2

12जिनना कयो रा, “कि हम परमेस्वर की चरई हुन

कि जमीन प अधिकारी खुद ही हो जाय।”

13हे मोरो परमेस्वर, इनका माटिया की धूडला,

या हवा से उड़ायो वालो भूसा को जसो कर दा।

14वा आग को समान जो जंगल ख राँक करा है,

अऊर वा लपेट को जसो जो पहाड़ हुन ख जला देवा है,

15तू इनका तोरो तुफान से भगा दा,

अऊर तोरो माटिया से घबरा दा!

16इनको मुँड़ो ख खूब सरमिन्दो कर,

कि हे यहोवा यी तोरो नाम ख ढूँढ़ें।

17यी सदा को लाने सरमिन्दा अऊर घबराया रहें,

इनको मुँड़ो कालो होय, अऊर इनको नास हो जाय।

18जसो यी जानें कि केवल तू जेको नाम यहोवा है,

पूरी पृथ्वी को ऊपर परमप्रधान है।