भजन 81

एक तिहार को लाने एक गाना

प्रधान बजानवाला को लाने: गित्तीथ राग म आसाप को भजन।

1परमेस्वर जो हमरी ताकत है, ओको गीत खुसी से गाव;

याकूब को परमेस्वर को जयजयकार करो!

2भजन उठाव, डफ अऊर खूब बजनवाली

वीणा अर सारंगी ख ले आव।

3नयो चाँद को दिन,

अर पूर्णीमाँ ख हमरो तिहार को दिन नरसिंगा फूँको।1

4काहेकि या इस्राएल को लाने विधि,

अऊर याकूब को परमेस्वर को ठहरायो वालो नेम है।

5नेम ख ओ न यूसुफ म चुनोती की रीति पा ऊ बखत चलायो,

जब ऊ मिस्र देस को खिलाप चलो;

वहाँ मी न एक अनजान भासा सुनी।

6“मी न उनको कन्धा पर से बोझ ख उतार दियो;

उनको ढुल्ली ढोन को काम मोरो हात से छूट गयो।

7तू न संकट म पड़ ख पुकारियो, तब मी न तो ख छुड़ायो;

बददल गरजन की गुप्‍त जगा म से मी न तोरी सुनी,

अऊर मरीबा नाम को झरना को जोने तो ख परखीयो।2

8हे मोरी प्रजा ख लोग हुन, सुनो, मी तुमका जता देऊँँ है!

हे इस्राएल, भलो होय कि तू मोरी सुने!”

(सेला)

9तोरो बीच म परायो ईस्वर नी होय;

अऊर न तू कोई परायो देवता को पाय पढ़जो।

10मी तोरो यहोवा परमेस्वर आय,

जो तोका मिस्र देस से निकाल लायो है।

तू तोरो मुँड़ो खोल, मी ओका भर दूँगो।3

11“पर मोरी प्रजा ख लोग हुन न मोरी नी सुनी;

इस्राएल न मोका नी चाहायो।

12एकोलाने मी न उनका उनको मन को हट पा छोड़ दियो

कि ऊ अपनी ही युक्‍ति हुन को अनुसार चले।

13अदि मोरी प्रजा ख लोग मोरी सुने,

अदि इस्राएल मोरो रस्ता पर चले,

14ते मी पल भर म उनका दुस्मन हुन ख दबऊँ,

अऊर मोरो हात उनका बैरी हुन को खिलाप चलऊँ।

15जे मोसे जलन करह है, वी मोरो सामे डर को मारे झुकेगो,

उन की सजा हमेसा काल लक बनी रहेगी।

16मी उनका उत्तम से उत्तम गहूँ खिलऊँ,

अऊर मी चट्टान म को सहद से उनका खिलायो करूँ है।”