भजन 66

धन्यवाद देनू अऊर बड़ाई को गाना

प्रधान बजानवाला हुन को लाने गाना, भजन

1हे सारी धरती ख व्यक्ति हुन,

परमेस्वर को लाने जयजयकार करो;

2ओको नाम की महिमा को भजन गाँव;

ओकी बड़ाई करते हुए, ओकी महिमा करो।

3परमेस्वर से कहो, तोरा काम का ही भयानक है!

तोरी बड़ी सामर्थ्य को वजे से तोरा दुस्मन तोरी चापलूसी करेगो।

4सारी धरती ख इंसान तो ख भजेंगो,

अऊर तोरो भजन गाएँगो;

वी तोरो नाम को भजन गाएँगो।

5आव परमेस्वर को काम हुन ख देखो; ऊ अपनो काम को कारण इंसान हुन ख डर को लायक दिखई पड़ा है।

6ओ न समुंदर ख सूखी जमीन कर डालयो;

वी महानद म से पाय पाय पार उतरिया।

वहां हम ओको वजे से मगन भया,

7जो अपनो पराक्रम से हमेसा अधिकार करा है,

अऊर जे की आँखी हुन राज्य राज्य को इंसान हुन प लगी रवा है।

विदोही अपनी मुंड़ी नी उठाय।

8हे देस देस ख इंसान हुन, हमरो परमेस्वर ख धन्य कहो,

अऊर ओकी बड़ाई म राग उठाव,

9जे हम ख जिन्दो रखा है;

अऊर हमरो पाय हुन ख टलन नी देवा।

10काहेकि हे परमेस्वर, तू न हम ख जाँचियो;

तू न हम ख चाँदी को जसो तायो रहा।

11तू न हम ख जाल म फँसायो;

अऊर हमरी कमर प भारी बोझ बाँधियो रहा;

12तू न घुड़ सवार हुन ख हमरी मुंड़ हुन को ऊपर से चलायो,

हम आगी अऊर पानी से होका गया;

पर तू न हम ख निकाल ख सुख से भर दियो है।

13मी आगीबलि ले ख तोरो मंदिर म आऊंगो;

मी वी मन्नत हुन ख तोरो लाने पूरो करूंगो,

14वे सभी वादा हुन जे संकट को बखत खुद

मी अपनो मुंड़ो से करी रा।

15मी तो ख मोटा ढोर हुन की आगीबलि,

मेढ़ा हुन की चर्बी को धूप समेत चढ़ाऊँगो;

मी बकरा हुन समेत बईल चढ़ाऊँगो।

16हे परमेस्वर ख सब डरैया, आ ख सुनो,

मी बताऊँगो कि ओ न मोरो लाने का का करयो है;

17मी न ओका हाका दियो,

अऊर ओको ही बखान मोसे भयो।

18अदि मी पाप हुन ख अन देखो कियो होतो,

ते प्रभु मोरी नी सुनतो।

19पर परमेस्वर न तो सुनियो है;

ओ न मोरी प्रार्थना को तरफ ध्यान दियो है।

20धन्य है परमेस्वर, जेना नी ओ मोरो प्रार्थना अनसुनी करी,

अऊर नी मोसे अपनी किरपा दूर कर दी है।