भजन 5

सुरक्छा को लाने प्रार्थना

प्रधान बजावन वालो को लाने; बाँसुरी हुन को संग। दाऊद को भजन

1हे यहोवा, मोरो वचन हुन प कान लगा;

मोरो गुप्त वाली1 प्रार्थना प विचार कर।

2हे मोरो राजा, हे मोरो परमेस्वर, मोरो रोनो प ध्यान दे,

अऊर मोरी मदद काहेकि मी तोसे ही प्रार्थना करू है।

3हे यहोवा, भुनसारो ख मोरी आवाज तो ख सुनाई देगो,

मी भुनसारो की प्रार्थना कर ख तोरी रस्ता देखुगो।

4काहेकि तू असो परमेस्वर नी जे बुरा काम हुन से खुस होय;

बुराई तोरो संग नी रह सकह।

5घमन्डी तोरो जोने खड़ा हो नी पाएँगो;

तो ख सब गलत काम करन वाला हुन से घिंन करा है।

6तू उन ख जे झुट बोलह है नस्ट करेगो;

यहोवा ते हत्यारा अऊर छली कपट इंसान से घिंन करह है।

7पर मी ते तोरी अपार करूणा को वजे से

तोरो भवन म आऊंगो,

मी तोरो डर मान ख,

तोरो सुध्द मन्दिर की ओर बड़ाई करूँगो।

8हे यहोवा, मोरो सतरू हुन को वजे से,

अपनो धरम की रस्ता म मोरी अगुवाई कर;

मोरो आगे आगे अपनो सीधो रस्ता ख दिखा।

9काहेकि उनको मुंड़ो म कोई सच्चई नी;

उनको मन म निरा बुरई है।

उनको गला खुली वाली कब्र है,

वी अपनी जीब से चिकनी चुपड़ी बात करह है।2

10हे परमेस्वर, तू उनका दोसी ठहरा;

वी अपनी ही सलह हुन से खुद ही गिर जाय;

उनका उनको अपराध हुन की अधिकाई को वजे से

निकाल बाहर कर,

काहेकि उन न तोसे विद्रोह करियो है।

11पर जित्ता तो प भरोसा रखह है वी सब आनन्द करहे,

वी हमेसा ऊँचो स्वर से गाते रहे;

काहेकि तू ओकी रक्छा करह है,

अऊर जे तोरा नाम ख प्रेमी है तो म फुला नी समाय।

12काहेकि तू धरमी ख आसीस देगो;

हे यहोवा, तू ओ ख अपनो दया रुपी ढाल से घेरो रहेगो।