भजन 42

दुसरो भाग

(भजन 42—72)

निकालो गयो इंसान की प्रार्थना

प्रधान बजावनवाला हुन को लाने कोरहवंसी हुन को मस्कील

1जसो हरिनी नद्दी को पानी को लाने हाँपा है,

वसो ही, हे परमेस्वर, मी तोरो लाने हाँपू है।

2जिन्दो परमेस्वर, हाँ परमेस्वर को, मी प्यासो हूँ,

मी कब जा ख परमेस्वर ख अपनो मुंड़ो दिखाऊँगो?

3मोरो आँसू दिन अऊर रात मोरो खाना होवा है;

अऊर इंसान दिन भर मोसे कहते रहवा है, तोरो परमेस्वर किते है?

4यू याद कर ख मोरो प्रान सोकित हो जावा है

कि मी कसो भीड़ को संग जायो करत है;

मी जयजयकार अऊर धन्यवाद को संग जोरदार करनवाली

भीड़ को बीच म परमेस्वर को भवन ख धीरे धीरे तिहार मनावन ख जाया करत रह।

5हे मोरो प्रान, तू काहे गिर जावा है?

तू अन्दर ही अन्दर काहे उदास है?

परमेस्वर प आसा लगाहे रह;

काहेकि मी ओको दर्सन से उद्धार पा ख फिर ओको धन्यवाद करूंगो।

6हे मोरो परमेस्वर; मोरो प्रान मोरो भीतर गिर जाय है,

एको लाने मी यरदन को जोने को देस से अऊर

हेर्मोन को पहाड़ हुन

अर मिसगार की पहाड़ी को ऊपर से तो ख याद करू है।

7तोरी पानी धारा हुन को सब्द सुन ख पानी, पानी ख चिल्लावा है;

तोरो सबरो तरंग हुन अर लहर हुन म मी डूब गयो है।

8तेभी दिन ख यहोवा अपनो सक्ति अऊर करूणा परगट करेगो;

अर रात ख भी मी ओको गीत गाऊंगो,

अऊर अपनो जिन्दगी देवन वालो परमेस्वर से प्रार्थना करूंगो।

9मी परमेस्वर से जो मोरो चट्टान है कहूँगो, तू मो ख भूल गयो?

मी दुस्मन को अन्धेरो को मारे काहे सोक को पहिरावा पहिनियो हुयो चलू फिरू है

10मोरो सतावनवाला जो मोरी बुरई करा है,

मानो ओसे मोरी हड्डी हुन चूर चूर होवा है, मानो कटार से छिदी जाय है,

काहेकि वी दिन भर मोरो से कहते रहवा है, तोरो परमेस्वर किते है?

11हे मोरो प्रान, तू काहे गिरो जाय है?

तू अन्दर ही अन्दर काहे उदास है?

परमेस्वर पर भरोसा रख;

काहेकि ऊ मोरो मुंड़ो की चमक अऊर मोरो उद्धार है,

मी फिर ओको धन्यवाद करूंगो।