भजन 36

इंसान की बुरई

प्रधान बजानवाला हुन को लाने यहोवा को दास दाऊद को भजन

1दुस्ट जन को पाप मोरो मन को भीतर यू कहा है

कि परमेस्वर को डर ओकी नजर1 म नी है।2

2ऊ अपनो अधरम को परगट होनो अऊर गलत ठहरन को करन

अपनो मन म चिकनी चुपड़ी बात हुन विचारा है।

3ओकी बात दुस्ट अर छल से भारी है,

वी अब बुद्धि अर भलई को काम करन से हात खीचा है।

4ऊ अपनो बिछोना पर पड़ो पड़ो बेकार की विचार करा है।

ऊ अपनो बुरो रस्ता प हिम्मत से बनो रहवा है;

बुरई से ऊ हात नी खींचा।

परमेस्वर की अच्छई

5हे यहोवा, तोरी करूणा स्वर्ग म है,

तोरी सच्चई आकास मंडल लक पहुँची है।

6तोरो धरम ऊँचो पहाड़ हुन को जसो है,

तोरा नेम अथाह गहरो सागर ठैरीया है;

हे यहोवा, तू इंसान अऊर जानवर दोई ख बचावा है।

7हे परमेस्वर, तोरी करूणा कसी किमती है!

इंसान को पोरिया तोरो पंखा हुन को तले छाय म सरण लेवा है।

8वी तोरो भवन को चिकनो खाना से पेट भरेंगो,

अर तू अपनी सुख की नद्दी म से उनका पानी पिलाएगो।

9काहेकि जीवन को सोता तोरो ही जोने है;

तोरो उजियाला को दुवारा मी उजियाला पाएगो।

10अपना इंसान प करूणा करते रयो,

अऊर अपनो धरम को काम सच्चा मन वाला म करते रय!

11घंमड़ी लोग हुन ख मो पर लड़ाई नी दे,

दुस्ट लोग मो ख भागन नी पाय।

12ऊही अनर्थ करन वाला गिड पड़िया है;

वी ढकेल दिया गया, अऊर फिर उठ नी सकेंगो।