भजन 34

परमेस्वर की भलई को लाने ओकी स्तुति

दाऊद को भजन, जब ऊ अबीमेलेक को सामने पागल-सो बनीयो, अर अबीमेलेक न ओका निकाल दियो, अऊर ऊ चलो गयो

1मी हर बखत यहोवा ख धन्य कहयो करूंगो;

ओकी स्तुति हमेसा मोरो मुंड़ो से होते रहेगो।

2मी यहोवा पर घमण्ड करूंगो;

नम्र इंसान यू सुन ख मगन होएगो।

3मोरो संग यहोवा की बड़ाई करो,

अऊर आव हम मिल ख ओको नाम की स्तुति करे!

4मी यहोवा को जोने गयो, तब ओ न मोरी सुन ली,

अऊर मो ख पूरी रीति से निडर करयो।

5जिनना ओकी तरफ ध्यान करयो, उनना ज्योति पई;

अऊर तुम अपनो भरोसा को लाने कभी लज्जित नी होएगो।

6यू गरीब लचार जन न पुकारो तब यहोवा न सुन लियो,

अऊर ओका सबरा कस्ट हुन से छुड़ायो।

7यहोवा को डरवैया हुन को चारी तरफ

ओको दूत छावनी करियो हुओ उन ख बचावा है।

8परख ख देखो कि यहोवा कसो भलो है!

का ही धन्य है ऊ इंसान जो ओकी सरण लेवा है।

9हे यहोवा ख सुध्द इंसान हुन, ओको डर मानो,

काहेकि ओका डरवैया हुन ख कोई बात की कमी घटी नी होवा!

10जवान सेर हुन ख तो कमी होय अऊर वी भूका भी रैय जावा है,

पर यहोवा ख खोजी हुन ख कोई भली चीज की कमी नी होएगी।

11हे पोरिया हुन, आव मोरी सुनो,

मी तुम ख यहोवा को डर माननो सिखाऊँगो।

12ऊ कोऊन इंसान है जे जीन की इच्छा रखा,

अर लम्बी उमर वालो चाहा है ताकि भलई देखे?

13अपनो जीभ ख बुरई से रोक रख,

अर अपनो मुंड़ो को चोकसी कर की वी कपट को बात नी निकला है।

14बुरई ख छोड़ अर भलई कर;

सांति ख ढ़ूँढ़ अर ओको पीछा कर।

15यहोवा की आँखी हुन धर्मी इंसान हुन पर लगी रहवा है,

अर ओको कान भी ओकी दोहाई को तरफ लगो रहवा है।

16यहोवा बुरई करन वाला हुन को खिलाप म रहवा है

ताकि उनको नाम धरती प से मिटा डाले है।1

17धरमी दोहाई देवा है अर यहोवा सुना है,

अर उनका सब आफत हुन से छुड़ावा है।

18यहोवा टुटियो मान वालो इंसान हुन को नजिक रहवा है,

अर पिसिया वाला हुन को इंसान उद्धार करा है।

19धरमी इंसान हुन प खूब सी आफत हुन पड़ा ते है,

पर यहोवा ओको उन सबसे छोड़ेगो करा है।

20ऊ ओकी हड्डी हड्डी को रक्छा करा है;

अर उनमा से एक भी टूटनो नी पावा है।2

21दुस्ट अपनो बुरई को दुवारा मारो जाएगो;

अर धरमी को बैरी दोसी ठहरो।

22यहोवा अपनो इंसान हुन को बचाएगो;

जे इंसान हुन बचावा को लाने ओको सरण लेवा है।

ओमा से कोई दोसी नी ठहरेगो।