भजन 30

धन्यवाद की प्रार्थना

भवन को सम्मान को लाने दाऊद को भजन

1एकोलाने हे यहोवा मी तोरी स्तुति करू है,

काहेकि तू न मो ख बचायो है अऊर मोरो दुस्मन ख मोरो प खुस होन से रोकियो है।

2हे मोरो परमेस्वर यहोवा, मी न मदद करी दोहई दी;

अऊर तू न मो ख चंगो करयो है।

3ओ यहोवा, तू न मोरी जान अधोलोक म से निकालो है,

तू न मो ख जिन्दो रख्यो अर मरघट म पड़न से बचायो है।

4हे यहोवा ख भक्त हुन, ओको भजन गाँव,

अर जे पवित्र नाम से ओका याद करो जाय है, ओको धन्यवाद करो है।

5काहेकि ओको घुस्सा तो पल भर को होय है,

पर ओकी दया जिन्दगी भर की होय है।

कभी रात ख रोनो पड़े,

पर भुनसारो खुसी पहुँचेगो।

6मी न ते अपनो सपंनता को बखत कयो रा,

कि मी कभी नी टलन को।

7हे यहोवा, अपनी दया से तू न मोरो पहाड़ ख मजबूत अऊर खड़ो करयो है;

जब तू न अपनो मुंड़ो फेर लियो तब मी घबरा गयो।

8हे यहोवा, मी न तो ख ही पुकारयो है;

अऊर यहोवा से गिड़गिड़ा ख या विनती करी, कि

9जब मी मरघट म चलो जाऊंगो

तब मोरो खून से का फायदा होएगो?

का मट्टी तोरो धन्यवाद कर सका है?

का ऊ तोरी सच्चई को परचार कर सका है?

10हे यहोवा, सुन, मो पर दया कर;

हे यहोवा, तू मोरो सहायक हो।

11तू न मोरो लाने दुख ख नाच म बदल डाल्यो;

तू न मोरो बोरा उतरवा ख

मोरी कम्मर म खुसी ख कपड़ा पहिनायो है,

12ताकि मोरी आत्मा भजन गाती रैय

अऊर कभी चुप नी हो।

हे मोरो परमेस्वर यहोवा,

मी हमेसा तोरो धन्यवाद करते रहूंगो।