भजन 25

अगुवाई अर रक्छा को लाने प्रार्थना

दाऊद को भजन

1हे यहोवा, मी मोरो मन ख तोरी तरफ उठऊ है।

2हे मोरो परमेस्वर, मी न तोरो पर ही भरोसा रख्यो है,

मो ख सरमिंदा मत होवन दा;

मोरा दुस्मन मो पर जयजयकार करन नी पाय।

3वरन जित्ता तोरी रस्ता देखा है उन मा से कोई सरमिंदा नी होएगो;

पर जो आदाऊदी से विस्वासघाती हैं वीच ही सर्मिदा होएगो।

4हे यहोवा, तोरो रस्ता मो ख दिखा;

तोरो रस्ता मो ख बता दे।

5मो ख अपनो सत्य पर चला अर अकल दे,

काहेकि तू मोरो उद्धार करनवालो परमेस्वर है;

मी दिन भर तोरी ही रस्ता देखते रहूँ है।

6हे यहोवा, तोरी दया अर करूणा ख काम हुन ख ध्यान कर;

काहेकि वी तो अनन्तकाल से होते आयो है।

7हे यहोवा, मोरी भलई को कारन मोरी जवानी ख पाप हुन अर मोरा अपराध हुन ख ध्यान मत दे;

तोरी ही करूणा को अनुसार तू मो ख ध्यान कर।

8यहोवा भलो अर सच्चो है;

एकोलाने ऊ पापी हुन ख अपनो रस्ता दिखलाएगो।

9ऊ नम्र व्यक्ति हुन ख न्याय की सिक्छा देगो,

हाँ, ऊ सिदा व्यक्ति हुन ख अपनी रस्ता दिखलाएगो।

10जे यहोवा की वाचा अर नेम ख माना है,

उनको लाने उनकी सबरी रस्ता करूणा अर सच्चई है।

11हे यहोवा, तोरो नाम को निमित मोरो अधरम ख जो ढ़ेर है छमा कर।

12ऊ कोन इंसान है, यहोवा को डर माना है?

यहोवा ओका वई रस्ता पर जे से ऊ खुस होय है चलाएगो।

13ऊ कुसल से टिको रहेगो,

अऊर ओको वंस ऊ देस को हकदार होएगो।

14यहोवा उन इंसान को दोस्त आय जे ओकी आग्या का माना है अऊर ऊ ओको संग अपनी वाचा पक्की करा है।

15मोरी आँख हुन हमेसा यहोवा पर टकटकी लगायो रहवा है,

काहेकि ऊई मोरा पाय हुन ख जाल म से छुटाएगो।

16हे यहोवा, मोरी तरफ फिर ख मो पर अनुग्रह कर;

काहेकि मी अकेलो अर दुखियारो है।

17मोरो मन को दुख बढ़ गयो है,

तू मो ख मोरा दुख हुन से छुटा ले।

18तू मोरा दुख अर तकलीब पर ध्यान कर,

अऊर मोरा सबरा पाप हुन ख छमा कर।

19मोरा दुस्मन हुन ख देख की वी कसा बढ़ गया है,

अऊर मो से बड़ी दुस्मनी रखा हैं।

20मोरी जान की रक्छा कर, अऊर मो ख छुटा;

मो ख सरमिंदा मत होन दे,

काहेकि मी तोरो सरण म आयो है।

21ईमानदारी अर सच्चई मो ख बचा ख रखे,

काहेकि मो ख तोरी ही आसा है।

22ओ परमेस्वर इस्राएल ख ओका सबरा संकट हुन से छुटा ले।