भजन 145

स्तुति को गाना

दाऊद को भजन

1हे मोरो परमेस्वर, अरे राजा, मी तोरो गुणगान,

अऊर तोरो नाम ख सदा हमेसा धन्य कहतो रहूँगो।

2हर दिन मी तो ख धन्य कहयो करूँगो,

अऊर तोरो नाम को बड़ाई सदा हमेसा करतो रहूँगो।

3यहोवा महान अऊर अति बड़ाई को लायक है,

अऊर ओकी बड़ाई अत्यन्त है।

4तोरो काम हुन की खुसी अऊर तोरो पराक्रम को काम हुन को बखान,

खानदान से खानदान होतो चलो जाएगो।

5मी तोरो ऐस्वर्य की महिमा को प्रताप प

अऊर तोरी भाँति भाँति को अचरज ख कामों प ध्यान करूंगो।

6इंसान तोरो भयानक काम हुन की सक्ति की चर्चा करेगो,

अऊर मी तोरो बड़ो बड़ो काम हुन को बखान करूंगो।

7इंसान तोरी बड़ी भलई ख याद कर ख ओकी बात करेगो,

अऊर तोरो धरम को जयजयकार करेगो।

8प्रभु दयालु अऊर अनुग्रह कारी अऊर

देर से घुस्सा करन वालो अऊर बेजा करूणा मय है।

9यहोवा सभी को लाने भलो है,

अऊर ओकी दया ओका ही दुवारा पुरी दुनिया ख रची गयी है।

10अरे यहोवा, तोरी पुरी दुनिया तोरो धन्यवाद करेगी,

अऊर तोरो दास इंसान भरोसा करन वाला तोरी प्रासंसा कहयो करेगो!

11ऊ तोरो राज्य की महिमा को चर्चा करेगो,

अऊर तोरो पराक्रम को बारे म बात हुन करेगो;

12कि वी अदमी हुन प तोरो पराक्रम को काम

अऊर तोरो राज्य को प्रताप की महिमा परघट करहे।

13तोरो राज सदा को है, अऊर तू हमेसा को राजा है,

यहोवा अपनो वचन हुन को मजबूत है

ऊ अपनो सब काम हुन म भरोसा को लायक है,

तोरो सासन सब पीढ़ी हुन लक बनी रहे।

14यहोवा सब गिरतो हुओ ख संभालह है,

अऊर सब झुका हुआ हुन ख सीधो खड़ो करा है।

15सभी की आँखी तोरो तरफ लगी रहवा है,

अऊर तू उन ख खाना बखत प देवा है।

16तू अपनो मुट्ठी खोल ख,

सब जिन्दा इंसान हुन ख खाना से भरपूर करा है।

17यहोवा अपनी सब रपतार म धरमी

अऊर अपनो सब काम हुन म करूणामय है।

18जित्ता यहोवा ख याद करह है,

अनेकी जितना ओ ख सच्चई से हाका देवा है,

ऊ सभी को ऊ नजिक रहवा है।

19ऊ अपनो डरवैया की मरजी पूरी करा है,

अऊर उन की दोहाई सुन ख उन को उद्धार करा है।

20यहोवा अपनो सब प्रेमी हुन की ते रक्छा करह है,

पर सब दुस्ट हुन को सत्यानास करा है।

21मी यहोवा की मोरो मुढो से हमेसा स्तुति करूंगो,

अऊर पुरा प्रानी ओको सुध्द नाम ख सदा हमेसा धन्य कहतो रहे।