भजन 143

छुटकारा हुन को लाने प्रार्थना

दाऊद को भजन

1हे यहोवा, मोरी प्रार्थना सुन; मोरो गिड़गिड़ानो की तरफ कान लगा!

तू जे सच्चो अऊर धरमी है, एकोलाने मोरी सुन ल,

2हे यहोवा अऊर अपनो सेवक से मुकदमा मत चला!

काहेकि कोई जिन्दो इंसान तोरी नजर म बेकसुर नी ठैर सका।

3दुस्मन तो मोरो जीव ख लेन को दुस्मन बनीयो है;

ओ न मो ख चूर-चूर कर ख मट्टी म मिलायो है,

अऊर मो ख कई दिन को मरियो हुयो

उन को जसो अन्धेरा जगा म डाल दियो है।

4मोरी आत्मा भीतर से व्याकुल होय रयो है;

मोरो मन गहरी निरासा म हूँ।

5मोका कई जमाना ख दिन ध्यान आवा है,

मी तोरा सब अचरज को काम हुन प ध्यान करूँ है,

अऊर तोरो हात ख काम हुन ख सोचू है।

6मी तोरी तरफ अपनो हात फैलायो हुयो है;

सूखा जमीन को जसो मी तोरो प्यासो हूँ।

(सेला)

7हे यहोवा, फुर्ती कर ख मोरी सुन ल;

काहेकि मोरी जान निकलन प ही है!

मोसे अपनो मुंडो मत लुकावा, असो नी होय

कि मी मरघट म पड़यो हुयो को जसो हो जाऊ है।

8हर सुबेरे की अपनी किरपा की बात मोका सुना,

काहेकि मी न तोरो पर ही विस्वास रख्यो है।

जे रस्ता से मो ख चलनो है, ऊ मो ख बता दा,

काहेकि मी अपनो मन तोरो ही तरफ लगऊँ है।

9अरे यहोवा, मो ख दुस्मन हुन से बचा ल;

मी तोरो ही आड़ म आ छिपयो है!

10मो ख यू सिखा, कि मी तोरी मर्जी कसो पूरी करूँ,

काहेकि मोरो परमेस्वर तू ही है!

तोरो भलो आत्मा मो ख सुरक्छा को रस्ता म ले चल!

11हे यहोवा, मो ख अपनो नाम को अनुसार जिला!

तू जे धरमी है, मो ख मुसीबत से छुड़ा ले!

12अऊर करूणा कर ख मोरा दुस्मन हुन को सत्यानास कर,

अऊर मोरा सब सतानवाला हुन को नास कर डाल,

काहेकि मी तोरो सेवक हूँ।