भजन 141

संध्या को प्रार्थना

दाऊद को भजन

1हे यहोवा, मी न तो ख हाका लगायो है;

मोरो लाने फुर्ती कर अऊर मोरो लाने सहायता कर!

जब मी तो ख हाका लगऊ, तब मोरी तरफ कान लगा!

2मोरी प्रार्थना तोरो सामने सुगंध रुपी धूप ,

अऊर मोरो हात फैलानो, साम की बखत को अनाज कि बलि ठैरे!

3हे यहोवा, मोरो मुंड़ो प पहरा बेठा है,

मोरा ओठ हुन की दुवार की रखवाली कर!

4मोरो मन कोई बुरी बात को तरफ फिरन मत दे;

मी अनर्थकारी अदमी हुन को संग,

दुस्ट काम हुन म नी लगू,

अऊर मी उनको स्वाद वालो खाना म से कुछ नी खाऊँ!

5धरमी मो ख मारे ते या किरपा मानी जाएगो,

अऊर ऊ मोका सजा दे, ते यू मोरी मुंडी पा को तेल ठैरेगो;

मोरी मुंडी ओसे इन्कार नी करेगो।

दुस्ट इंसान हुन को बुरा काम हुन को

खिलाप मी हमेसा प्रार्थना करते रहूँगो।

6जब उनका न्यायी चट्टान को ऊपर से गिराया गया,

तब उन न मोरा वचन सुन लियो; काहेकि वी मधुर है।

7वी कहेगो कि, जसो कोई हल चल ख जमीन ख चिरा है

वसो ही हमरी कबर को मुंड़ो प बिखरो पड़ो है।

8पर हे यहोवा प्रभु, मोरी आँखी हुन तोरो ही तरफ लगी है;

मी तोरो सरण है; तू मोरा प्रान जावन मत दे!

9मोका ऊ फन्दा से, जे उन न मोरो लाने लगायो है,

अऊर अनर्थकारी हुन को जाल से मोरी रक्छा कर!

10दुस्ट इंसान अपनी जाल हुन म खुद ही फँसे,

अऊर मी बच निकलूँ।