भजन 139

परमेस्वर को पुरो ग्यान अऊर परवाहा

प्रधान बजानवाला हुन को लाने दाऊद को भजन

1हे यहोवा, तू न मो ख जाँच ख जान लियो है।

2तू मोरो उठन बैठनो जानह है;

अऊर मोरो विचार हुन ख दूर से ही समझ लेवा है।

3मोरो चलन अऊर लेटन को तू भलो छानबीन करा है,

अऊर मोरो पूरो चालचलन को राज जाना है।

4अरे यहोवा, मोरो जीभ से असी कोई बात नी

जे ख तू पूरो रीति से नी जान है।

5तू न मो ख आगे पीछे घेर रख्यो है,

अऊर अपनो हात मी रख्यो रहा है।

6यू ग्यान मोरो ढेर कठिन है;

यू गंभीर मोरो समझ से बाहर है।

7मी तोरो आत्मा की उपस्थित से भाग ख किते जाऊ?

या तोरो जोने से किधर किते भागू?

8अदि मी बददल प चढ़ूँ, ते तू वहां है!

अदि मी अपनो बिछोना अधोलोक म बिछाऊ ते वहां भी तू है!

9अदि मी पहट को किरण हुन प

चढ़ ख समुंदर को पार जा बसूँ,

10ते वहां भी तू अपनो हात से मोरो अगुवाई करेगो,

अऊर अपनो दाहिनो हात से पकड़े रहेगो।

11अदि मी कहू कि अंधेरो म ते मी छिप जाऊंगो,

अऊर मोरो चार हुन ओर को उजियाला रात को अन्धेरा हो जाएगो,

12तेभी अंधेरो तोरो से नी छिपाएगो, रात ते दिन को तुल्य प्रकास देगी;

काहेकि तोरो लाने इंधारो अऊर उजियाला दोई एक जसो है।

13मोरो मन को मालिक ते तू है;

तू न मो ख माय को गर्भ म रच्यो है।

14मी तोरो धन्यवाद करूंगो,

एकोलाने कि मी भयानक अऊर बड़िया रीत से रचा गयो है।

तोरो काम ते आश्चर्य को है, अऊर मी यू भली भाती जानू है।

15जब मी गुप्त म बनायो जावा,

अऊर धरती को नीचू जगा हुन म रचा जा,

तब मोरो हड्डी हुन तोरो से छिपी नी हती।

16तोरो आँखी हुन न मोरो बेडोल तत्व ख देखा;

अऊर मोरो सब अंग जे दिन दिन बनतो जावा हते

वी रचो जवन से पहलो तोरो किताब म लिख्यो हुओ हतो।

17मोरो लाने ते अरे परमेस्वर, तोरो विचार का ही बहुमूल्य है!

उन को संख्या को जोड़ कसो बड़ो है!

18अदि मी उन ख गिनतो ते वी रेता को कन से भी जादा ठैरा।

जब मी जाग उठू है, तब भी तोरो संग रहू है।

19अरे परमेस्वर, हकीगत तू दुस्ट ख ताक करेगो!

अरे हत्यारो, मोसे दूर हो जाव!

20काहेकि ऊ तोरो चर्चा चतुराई से करा है;

तोरो दुस्मन तोरो नाम झूठा बात प लेवा है।

21अरे यहोवा, का मी तोरो बैरी हुन से जलन नी रखू,

अऊर तोरो विधरोई से मो ख जलन होवा है, नी जाऊ?

22हाँ, मी उन से पूर्ण जला रखू है;

मी उन ख अपनो दुस्मन समझू है।

23अरे परमेस्वर, मो ख जाँच ख जान ले!

मो ख परख ख मोरो बे चैन करन वाला विचार ख जान ल!

24अऊर देख कि मो म कोई बुरी चाल है कि नी,

अऊर अनन्त को रस्ता म मोरो अगुवाई कर!