भजन 124

परमेस्वर अपना इंसान हुन को रक्छक है

यातरा को गाना: दाऊद को

1इस्राएली देस असो कहे, कि अदि

हमरो तरफ यहोवा नी होतो, हे इस्राएली जुवाब दे

2अदि यहोवा ऊ बखत हमरो तरफ नी होतो

जब इंसान हुन न हम प चढ़ई करी,

3ते वी हम ख वई बखत जिन्दा निगल जाता,

जब उनको घुस्सा हम प भड़को थो,

4हम वई बखत पानी म डूब जाता

अऊर धार हुन म बह जाता;

5अऊर उमड़तो पानी म हम वई बखत ही बह जाता।

6धन्य है यहोवा,

जे न हम ख उनको दाँत हुन तले जावन नी दियो!

7हमरो जीव चिड़िया को जसो चिड़ीयाँ पकडन वालो को जाल से छूट गयो;

जाल फट गयो, हम बच निकिल्या!

8यहोवा जे बददल अऊर धरती ख सिरजन वालो है,

हमरी मदद ओको ही नाम से होवा है।