भजन 118

जीत को लाने धन्यवाद की प्रार्थना

1यहोवा को धन्यवाद करो, काहेकि ऊ भलो है;

अऊर ओकी करूणा सदा की है!1

2इस्राएल बोले,

ओकी करूणा सदा की आय।

3हारून को घराना कहे,

ओकी किरपा सदा की है।

4यहोवा ख डरवैया कहे,

ओकी किरपा सदा की है।

5मी न संकट म परमेस्वर ख पुकारयो,

परमेस्वर न मोरी सुन ख, मो ख बडी जगा म पहुँचायो।

6यहोवा मोरो तरफ है, मी नी डरूँगो।

इंसान मोरो का कर सका है?

7यहोवा मोरो तरफ अऊर मोरो सहायक हुन म है;

मी मोरा बैरी हुन प जीत की नजर डालूँगो।

8यहोवा को सरण लेवन से,

इंसान प भरोसा रखनो से उत्तम है।

9यहोवा को सरण लेवन से,

प्रधान हुन प भी विस्वास रखन से अच्छो है।

10सब राज्य हुन न मो ख घेर लियो है;

पर यहोवा को नाम से मी हकीगत म उन ख नास कर डालूंगो!

11उन न मो ख घेर लियो है, बे धडक घेर लियो है;

पर यहोवा को नाम से मी हकीगत म उन ख नास कर डालूंगो!

12उन न मो ख मधुमक्खी हुन को जसो घेर लियो है,

पर काँटा हुन की आगी को जसो ऊ बुझ गयो;

यहोवा को नाम से मी हकीगत उन ख नास कर डालूंगो!

13तू न मो ख बड़ो धक्का दियो तो हतो,

कि मी गिर पड़ूँ, पर यहोवा न मोरी सहायता करी।

14परमेस्वर मोरी तागत अऊर भजन को बारे म है;

ऊ मोरो उद्धार ठैरावा है।2

15धर्मी हुन को तम्बू हुन म जयजयकार अऊर उद्धार को आवाज हो रयी है,

यहोवा को दाहिनो हात से पराक्रम को काम होवा है,

16यहोवा को दाहिनो हात ऊंचो भयो है,

यहोवा को दाहिनो हात से पराक्रम को काम होवा है!

17मी नी मरूँगो लेकिन जिन्दो रहूंगो,

अऊर परमेस्वर को काम हुन को बखान करते रहूंगो।

18परमेस्वर न मो ख बड़ी सजा तो दी है,

पर मो ख मऊत को वस म नी करयो।

19मोरो लाने धरम को दुवार खोलो,

मी उन से प्रवेस कर ख यहोवा को धन्यवाद करूंगो।

20यहोवा को दुवार इही है,

ऐ म धरमी ही इंसान हुन ही प्रवेस कर सकह है।

21हे यहोवा, मी तोरो धन्यवाद करूंगो,

काहेकि तू न मोरी सुन ली है, अऊर मोरो उद्धार ठैर गयो है।

22राजमिस्त्री हुन न जे पत्थर ख बेकार ठहरायो रहा

उई कोना को छेड़ा हो गयो।3

23यू ते यहोवा को तरफ से भयो है,

यू हमरो नजर म बड़िया है।4

24आज ऊ दिन है जे यहोवा न बनायो है;

मी यू मगन अऊर आनन्दित है।

25हे यहोवा, बिनती सुन, उद्धार कर!

हे यहोवा, बिनती सुन, सफलता दे!5

26धन्य है ऊ जे यहोवा को नाम से आवा है!

हम न तुम ख यहोवा को घर से आसीर्वाद दियो है।

27यहोवा परमेस्वर आय, अऊर ओ न हम ख उजियाला दियो है।

अपनो हात हुन म ड़ाली हुन ले ख खुसी को तिहार म सामिल हो जाओ,

वेदी को सींग को चारी तरफ घुमो।

28हे यहोवा, तू मोरो परमेस्वर है, मी तोरो धन्यवाद करूंगो;

तू मोरो परमेस्वर है, मी तो ख सराहूँगो।

29यहोवा को धन्यवाद करो, काहेकि ऊ भलो है;

अऊर ओकी किरपा सदा बनी रहेगो!