भजन 109

किसी मुसीबत म फसे इंसान की सिकायत

प्रधान बजानवाला हुन को लाने दाऊद को भजन

1हे परमेस्वर, दाऊद को एक भजन तू जेकी मी बड़ाई करू है, चुप मत रहवा!

2काहेकि दुस्ट अऊर कपट करन वाला इंसान हुन न मोरो खिलाप मुंडो खोलयो है,

वी मोरो बारे म झूट बोला है।

3उन न बैर ख वचन हुन से मोका चारी तरफ घेर लियो है,

अऊर बेकार मोसे लड़ा है।

4मोरो प्रेम को बदला म वी मोरो विरोध करा है,

पर मी तो प्रार्थना म लवलीन रहूँ है।

5उन न भलई को बदला म मोसे बुरई करी

अऊर मोरो प्रेम को बदला मोसे बैर करयो है।

6तू ओका कोई दुस्ट इंसान को अधिकार म रख,

अऊर कोई विरोधी ओकी दाहिनी तरफ दोस लगावन ख खड़ो रहे।

7जब ओको न्याय करयो जाए, तब ऊ दोसी निकले,

अऊर ओकी प्रार्थना पाप गिनी जाय!

8ओका दिन थोड़ा होय, अऊर ओको पद ख दुसरो ले!1

9ओका बच्चा हुन अनाथ हो जाय,

अऊर ओकी ओरत रडोल हो जाए!

10अऊर ओका पोरिया हुन मारा मारा फिरहे, अऊर भीख माँगो करहे;

उन ख अपनो उजड़ो वालो घर से दूर जा ख टुकड़ा हुन माँगनो पड़े!

11महाजन फन्दा लगा ख, ओको सब कुछ ले ले;

अऊर परदेसी ओकी कमई को फल लूट ले!

12कोई नी होय जे ओपर किरपा करते रहे,

अऊर ओका अनाथ पोरिया हुन प कोई दया नी करे!

13ओको वंस को नास हो जाए,

दुसरी पीढ़ी म ओको नाम मिट जाय!

14ओका बाप-दादा हुन को अधरम यहोवा ख ध्यान रहे,

अऊर ओकी माय को पाप नी मिटे!

15ऊ सदा यहोवा को सम्मुख रहे,

कि ऊ ओको नाम धरती पर से मिटा डाले!

16काहेकि ऊ दुस्ट, किरपा करनो भूल गयो,

वरन् दीन अऊर गरीब ख सतात रहा;

अऊर मार डालन की मर्जी से खेदित मनवालो को पीछु पड़यो रहत रहा।

17ऊ सराप देवन से प्रेम रखत रहा, अऊर सराप ओ पर आ पड़ो;

ऊ आसीर्वाद देवन से खुस नी होत रहा, एकोलाने आसीर्वाद ओसे दूर रयो।

18ऊ सराप देनो कपड़ा को जसो पहिनत रहा,

अऊर ऊ ओको सरीर म पानी को जसो,

अऊर ओकी हड्डी हुन म तेल को जसो समा गयो।

19ऊ ओको लाने कपड़ा ओढ़न को काम दे,

अऊर पट्टा को जसो ओकी कम्मर म हमेसा को लाने कसो रहे।

20यहोवा को ओर से मोरा विरोधी हुन ख,

अऊर मोरो खिलाप बुरो कहन वाला हुन ख यूई सजा मिले!

21पर मोसे हे यहोवा प्रभु, तू अपनो नाम को निमित बर्ताव कर;

तोरी किरपा ते बड़ी है, एकोलाने तू मोका बचा!

22काहेकि मी दीन अऊर गरीब है,

अऊर मोरो मन जखमी भयो है।

23मी ढ़लन वाली छाय को जसो जाते रहयो है;

मी टिड्डी कीड़ा को जसो उड़ा दियो गयो है।

24उपास करते करते मोरा टोंगरिया हुन कमजोर हो गया;

अऊर मो म चर्बी नी रहन से मोरी हड्डी सूख गयी है।

25मोरी तो वी इंसान हुन म नामधराई होय है;

जब वी मोका देखा, तब मुंडी हिलावा है।2

26हे मोरो परमेस्वर यहोवा, मोरी मदद कर!

तोरी किरपा को हिसाब से मोरो ख बचा ला!

27जे से वी जाने कि यू तोरो हात को काम है,

अऊर हे यहोवा, तू ही न यू करयो है!

28वी कोसते तो रया, पर तू आसीस दे!

वी तो उठते ही सरमिंदा होय,

पर तोरो सेवक मगन होय!

29मोरा सतरू ख अपमान से ढप दियो जाय कपड़ा पहिनायो जाए,

अऊर वी अपनी लाज ख कम्बल को जसो पंगरे!

30मी यहोवा को खुब धन्यवाद करूंगो,

अऊर ढेर सारा इंसान हुन को सभा को बीच म मोरो मुंडो से ओकी स्तुति करूंगो।

31काहेकि ऊ गरिब को दाहिनो तरफ खड़ो रहेगो,

कि ओ ख प्रान को ओका मऊत देवन वालो से बचावा है।