होसे 1

1यहूदा को राजा उज्जिय्याह, योताम, आहाज अऊर हिजिकिय्याह को सासन काल म, अऊर इस्राएल को राजा योआस को पोरिया यारोबाम को सासन काल म, यहोवा को वचन बेरी को पोरिया होसे को नजिक पहुँचियो।1

होसे की ओरत अऊर बाल बच्चा

2जब यहोवा न होसे को दुवारा पहले पहल बात करी, तब ओ न होसे से यू कहयो, “जाकर एक वेस्या ख अपनी ओरत बना ल, अऊर ओको बुरो काम को बच्‍चो ख अपनो बच्‍चे कर ल, काहेकि यू देस ख यहोवा को पिछे चलनो छोड़ ख वेस्या को जसो ढ़ेर सारो काम करा है।” 3अत: ओ न दिबलैम की पोरी गोमेर ख अपनी ओरत बना लियो, अऊर उ ओ से पेट से भई अऊर ओको एक पोरिया पैदा हुओ। 4तब यहोवा न ओ से कहयो, “ओको नाम यिज्रेल रख; काहेकि थोडो ही बखत म मी येहू को घराना ख यिज्रेल2 की माऊत को दण्ड दूँगो, अऊर मी इस्राएल को घराना को राज को अन्त कर देहूँ। 5ऊ बखत मी यिज्रेल की तराई3 म इस्राएल की सेना सक्ति ख नास कर देहूँ।” 6वा ओरत फिर पेट से भई अऊर ओकी एक पोरी पैदा हुई। तब यहोवा न होसे से कहयो, “ओको नाम लोरुहामा4 रख; काहेकि मी इस्राएल को घराना प फिर कभी दया कर ख उनकी गलती कोई भी तरीका से माप नी करन को। 7पर यहूदा को घराना प मी दया करूँगो, अऊर उन ख बचाऊंगो; उनको मुक्त करूगो मी धनुस या तलवार या युध्द या घोड़ा हुन अऊर घोड़ा सवार हुन को दुवारा नी, पर मी परमेस्वर यहोवा को दुवारा करूँगो।” 8जब ऊ ओरत न लोरुहामा को दुध छुड़ायो, तब वा पेट से भई अऊर ओ म से एक पोरिया पैदा हुओ। 9तब यहोवा न कहयो, “ऐको नाम लोअम्मी5 रख; काहेकि तुम इंसान मोरी प्रजा नी होए, अऊर न मी तुम्हारो परमेस्वर रहूँगो।”

इस्राएल को फिर से बसनो

10तेभी इस्राएली हुन की गिनती समुंदर को रेता को जसो हो जाएगो, जिन ख नापनो-गिननो बडो मुसकिल है; अऊर जे जगह म ओ न यू कहयो जावत रह, “तुम मोरी प्रजा नी होय,” उही जगह म वी जिन्दो परमेस्वर को अवलाद कहलाएगो।6 11यहूदी अऊर इस्राएली का इंसान फिर से एक जुट हो जाएंगो। वी अपनो एक मुखिया चुनेगो, अऊर एक बार फिर वी अपनो देस म बढ़ेगो अऊर समृद्ध होगो; काहेकि यिज्रेल को दिन एक बडो होयगो।