उत्पत्ति 2

1असो तरीका से बददल अर जमीन अर उनकी सब चिज को बनानो पुरो हो गयो।1 2अऊर परमेस्वर न अपनो काम जेका ऊ करत रहा सातवो रोज पुरो करयो, अऊर ओ न अपना करया वाला सारा काम से सातवो रोज आराम करयो।2 3अऊर परमेस्वर न सातवो दिन ख आसीस दियो अर सुध्द ठहरायो; काहेकि ओ म ओना दुनिया की रचना का अपना पुरा काम से आराम करयो।3

इंसान कसो बनयो

4बददल अर पृथ्वी की रचना को बारे4 म असो है कि जब वी बनया एकोमतलब जो रोज यहोवा5 परमेस्वर न दुनिया अर बददल ख बनायो: 5तब बर्रा म को कोई पोउधा जमीन पा नी हतो, अर न बर्रा म को कोई छोटो पोउधा उगीयो रहा, काहेकि यहोवा परमेस्वर न जमीन पा पानी नी बरसायो रहा, अर जमीन पा खेती करन को लाने इंसान भी नी हतो; 6तेभी ओस6 बददल से ओस गीडत रहा जसो पुरी जमीन ओली7 हो जात रहा। 7फिर यहोवा परमेस्वर न आदम ख जमीन की मिठ्टी से बनायो, अर ओकी नाक म जीवन की साँस फूँक दियो; अर आदम जिन्दो इंसान बन गयो।8 8अऊर यहोवा परमेस्वर न पुरब कि तरफ अदन म एक बगीचा लगायो, अऊर वहाँ आदम ख जेका ओना बनायो रहा, ओ ख रख दियो। 9अऊर यहोवा परमेस्वर न जमीन से हर तरीका का झाड़ जो देखनो म खुब अच्छो9 अर जेका फल खानो म अच्छो है, उगायो, अर बगीचा को बीच म जीवन को झाड़ ख भलो या बुरो ग्यान को झाड़ ख भी लगायो।10

10वा बगीचा ख सीचन को लाने एक बड़ी नदी11 अदन से निकली अर वहाँ से आगे बहते-बहते वा चार नदी हुन म बँट गई।12 11पहली नदी को नाम पीसोन है; या वईच आय जो हवीला नाम को सारो देस ख जहाँ सोना मिला है, घेरे हुए है। 12ऊ देस को सोना चोक्खो होवा है; वहाँ मोती अर सुलैमानी पत्थर भी मिला है। 13दुसरी नदी को नाम गीहोन है; या वईच आय जो कूस को पुरो देस ख घेरे हुआ है। 14अऊर तीसरी नदी को नाम हिद्देकेल है; या वईच आय जो अस्सूर को पुरब की तरफ बहते जावा है। अर चऊथो नदी को नाम फरात है।

15एकोबाद यहोवा परमेस्वर न आदम ख लेखा अदन की वाटिका म रख दियो, कि ऊ ओमन काम करे अऊर ओकी देख-रेख13 करे। 16अऊर यहोवा परमेस्वर न आदम ख असो आदेस दियो, “तू बगीचा को सब झाड़हुन को फल बिना-डर14 को खा सका है; 17पर भलो या बुरो ग्यान को जो झाड़ है, ओको फल तू कभी मत खाजो: काहेकि जो दिन तू ओको फल खाएगो उई दिन जरूर मर जाहे।” 18फिर यहोवा परमेस्वर न कयो, “आदम को अकेलो रहनो अच्छो नी हाय; मी ओको लाने एक असो जीवन सोपती बनाऊँगो जो ओसे मेल खाए।”15 19अऊर यहोवा परमेस्वर जमीन म से सब जाति ख बनाया वाला जानवर, अर बददल की सब भाती की चिड़िया हुन ख बना ख आदम को जोने ले खा आयो कि देखे कि ऊ उनको का-का नाम धरा है; अर जो-जो जीव जन्तु हुन को जो-जो नाम आदम न रख्यो उईच ओको नाम हो गयो। 20असो तरीका से आदम न सब जाति ख घर म पलंन वाला जानवर, अऊर बददल म उड़न वाली चिड़िया हुन अर सब जाति ख बनाया वाला जानवर हुन को नाम रख्यो; पर आदम को लाने कोई असो जीवन साथी नी मिल्यो जो ओसे मेल खा सके। 21तब यहोवा परमेस्वर न आदम का गहेरी नींद म डाल दियो, अऊर जब ऊ सो गयो तब ओना ओकी एक पसरी निकाल ख ओकी जगह मांस भर दियो।16 22अऊर यहोवा परमेस्वर न वा पसरी ख जो ओना आदम म से हेडी17 रहा, ओरत बना दियो; अर ओका आदम को जोने ले खा आयो।18 23तब आदम न कयो, “अब या मोरी हड्डी म की हड्डी अऊर मोरो मांस मे को मांस है; एकोलिए एको नाम नारी होए, काहेकि या नर म से हेडी गई है।” 24एको वजे से अदमी अपना माय-बाप ख छोड ख अपनी घर वाली से मिलो रहे, अऊर वी एक ही आगं बनो रहे।19 25आदम अर ओकी घरवाली दोई बिना कपड़ा का हता, पर सरम नी करत रहा।