दानिय्येल 5

बेलसस्सर को खाना

1बेलसस्सर नामक राजा न अपनो हजार प्रधान हुन को लाने बड़ो भोज करयो, अऊर ऊ हजार इंसान हुन को आगु अंगूर को मंद पियो। 2अंगूर को रस पीतो पीतो बेलसस्सर न आग्या दी, कि सोना हुन-चाँदी को जे बर्तन ओको बाप नबूकदनेस्सर न यरूसलेम को मंदिर म से निकायो रह, उन ख लायो जाए कि राजा अपनो प्रधान हुन, अऊर रानी हुन अऊर रखेली हुन समेत उन म पीए। 3तब जे सोना हुन को बर्तन यरूसलेम म परमेस्वर को मंदिर म से निकायो गयो हतो, ऊ लायो गयो; अऊर राजा अपनो प्रधान हुन, अऊर रानी हुन, अऊर रखेली हुन समेत उन म पीवन लगियो। 4ऊ अंगूर को मंद पी पी ख सोना, चाँदी, पीत्तल, लोहा हुन, लकड़ी की काठ अऊर पत्थर को देवता हुन को बड़ाई कर ही रया हता, 5कि उही बखत इंसान को हात की सी कई उँगली हुन निकल ख दीवट को आगु राजमन्दिर को दीवार को चूना प कुछ लिखन लगयो; अऊर हात को जे हिस्सा लिख रह, ऊ राजा ख दिखई पड़ो। 6ओ ख देख ख राजा भयभीत हो गयो, अऊर ऊ मन ही मन घबरा गयो, अऊर ओको कमर को जोड़ ढीला पड़ गयो, अऊर काँपते काँपते घुटना हुन एक दुसरो से टकरावन लगे। 7तब राजा न ऊँचो सब्द से पुकार ख तंत्री हुन, कसदी हुन अऊर ज्योतिसी हुन ख हाजिर करवावन की आग्या दी। जब बेबीलोन को दिमाक वाला इंसान जोने आए, तब राजा उन से कहवन लगियो, जे कोई ऊ लिख्यो हुयो पढ़ ख ओको मतलब मो ख समझाए ओ ख बैंजनी रंग को कपड़ा, अऊर ओको गला म सोना हुन को कंठमाला पहिनाई जाएगो; अऊर मोरो राज्य म तीसरो ऊ हक करेगो। 8तब राजा को सब दिमाक वाला इंसान भीतर आए, पर ऊ लिख्यो हुओ को नी पढ़ सके अऊर नी राजा ख ओको मतलब समझा सके। 9ये प बेलसस्सर राजा बेजा घबरा गयो अऊर बेजा डर हो गयो; अऊर ओको प्रधान भी ढेर चितित हुओ। 10राजा अऊर प्रधान हुन को अवाज हुन ख सुन ख, राजा की माय भोज को घर म आयी अऊर कहन लगी, अरे राजा, तू हमेसा हमेसा जीती रये, अपनो मन म न घबरा अऊर न उदास हो। 11तोरो राज्य म दानिय्येल नामक एक अदमी है जेको नाम तोरो बाप न बेलतसस्सर रख्यो, ओ म सुध्द ईस्वर हुन को आत्मा रहव है, अऊर ऊ राजा को दिन हुन म ओ म उजियाला, प्रवीणता अऊर भगवान हुन को तुल्य बुध्दि पायी गयी। अरे राजा, तोरो बाप जे राजा हतो, ओ न उसको सब जादूगर हुन, तंत्री हुन, कसदी हुन अऊर ज्योतिसी हुन को प्रधान ठहरायो हतो। 12काहेकि ओ म उत्तम आत्मा, ग्यान अऊर प्रवीणता, अऊर सपना हुन को मतलब बतावनो अऊर पहेली हुन खोलन, सन्देह दुर करन की सक्ति पायी गयी। एकोलाने अब दानिय्येल बुलायो जाए, अऊर ऊ यू मतलब बताएगो।

दानिय्येल को दुवारा लेख को मतलब बतायो जानो

13तब दानिय्येल राजा को आगु भीतर बुलायो गयो। राजा दानिय्येल से पूछन लगियो, का तू उही दानिय्येल है जे मोरो बाप नबूकदनेस्सर राजा दुवारा यहूदा देस से लायो हुयो यहूदी गुलामी हुन म से है? 14मी न तोरो बारे म सुनो है कि ईस्वर की आत्मा तोरो म रहव है; अऊर समझ, ग्यान अऊर उत्तम बुध्दि तोरो म पायी जावा है। 15देख, अबा दिमाक वाला इंसान अऊर तंत्री इंसान मोरो जोने एकोलाने लाहे जा कि यू लिख्यो हुयो पढ़हे अऊर ओको मतलब मो ख बताहे, पर वी ऊ बात को मतलब समझा नी सका। 16पर मी न तोरो बारे म सुनायो कि दानिय्येल राज खोल सका अऊर सक दूर कर सका है। एकोलाने अब अदि तू ऊ लिख्यो हुओ को पढ़ सके अऊर ओ को मतलब भी मी समझा सके, ते तो ख बैंजनी रंग को कपड़ा, अऊर तोरो गला हुन म सोना हुन को कंठमाला पहिनाई जाएगो, अऊर राज्य म तीसरो तू ही हक करेगो। 17दानिय्येल न राजा से कहयो, अपनो दान अपनो ही जोने रख; अऊर जे पलटा तू देवन चाहवा है, ऊ दुसरो दे; ऊ लिख्यो भयी बात मी राजा ख पढ़ सुनाऊंगो, अऊर ओको मतलब भी तो ख समझाऊँगो। 18अरे राजा, परमप्रधान परमेस्वर न तोरो बाप नबूकदनेस्सर ख राज्य, बड़ाई, मान सम्मान अऊर प्रताप दियो हतो; 19ऊ बड़ाई को वजे से जे ओ न ओ ख दियो हतो, राज्य-राज्य को सब इंसान, अऊर अलग-अलग भासा बोलनवाला हुन ओको जोने काँपा अऊर थरथरावत रह; जे ख ऊ चाहवा ओ ख ऊ घात करह है, अऊर जे ख ऊ चाहा ओ ख ऊ जिन्दो रखत रह; जे ख ऊ चाहवा ओ ख ऊ ऊँचो पद देवत रह, अऊर जे ख ऊ चाहवा ओ ख ऊ गिरा देवत रह। 20पर जब ओको मन फूल उठयो, अऊर ओकी आत्मा कठोर हो गयो, इते लक कि ऊ अभिमान करन लगो, तब ऊ अपनो राज को सिंहासन प से उतारयो गयो, अऊर ओकी मान सम्मान भंग करी गयी; 21ऊ इंसान हुन म से निकायो गयो, अऊर ओको मन ढोर हुन को सो गयो, अऊर ओको रहनू जंगल ख गदहा हुन को बीच हो गयो; ऊ बईल हुन को जसो चारा चरा, अऊर ओको अंग बददल को ओस से भींगयो करत रह, जब लक कि ओ न जान न लियो कि परमप्रधान परमेस्वर इंसान हुन को राज्य म हक करा है अऊर जे ख चाहा ओ ख ओ प अधिकारी ठहरावा है। 22तेभी, अरे बेलसस्सर, तू जे ओको पोरिया है, अऊर यू सब कही जानत रह, तेभी तोरो मन नम्र नी हुओ। 23लेकिन तू न स्वर्ग को प्रभु को खिलाप मुंडी उठा ख ओको मंदिर को बर्तन मँगवा ख अपनो सामे रखवा लियो, अऊर अपनो प्रधान हुन अऊर रानी हुन अऊर रखेली हुन समेत तू न उन म अंगूर को मंद पियो; अऊर चाँदी-सोना हुन, पीत्तल, लोहा हुन, लकड़ी अऊर पत्थर को देवता, जे न देखा नी सुना, नी कुछ जाना है, उन की ते बड़ाई को पर परमेस्वर, जेको हात म तोरो का प्रान है, अऊर जेको वस म तोरो सब चलनो फिरनो है, ओ को सम्मान तू न नी करयो। 24तब ही यू हात को एक हिस्सा ओको तरफ से परघट करयो गयो है अऊर ऊ सब्द लिखो गयो है। 25जे सब्द लिखो गयो ऊ यू है मने, मने1, तकेल2, अऊर ऊपर्सीनई3 26यू लेख को मतलब यू है मने, अनेकी परमेस्वर न तोरो राज्य को दिन गिन ख ओको अन्त कर दियो है। 27तकेल, अनेकी तू मानो तराजू म तोवला गयो अऊर हल्का पायो गयो है। 28परेस4, अनेकी तोरो राज्य बाँट ख मादी हुन अऊर फारसी हुन ख दियो गयो है। 29तब बेलसस्सर न आग्या दी, अऊर दानिय्येल ख बैंजनी रंग को कपड़ा अऊर ओको गला हुन म सोना हुन को हार पहिनाई गई; अऊर ढिढोरिया हुन न ओको बारे म पुकारा, कि राज्य म तीसरो दानिय्येल ही हक करेगो।5 30उही रात बेबीलोन को राजा बेलसस्सर मार डालो गयो, 31अऊर दारा, मादी हतो, कोई बासठ साल को हतो राजगद्दी प विराजमान हुओ।